話說香港01做左單「台獨新聞」，而在文中婊明自己「一貫立場反台獨」，可謂情理之內、意料之外，唔知一眾share過01的「抗共戰士」有咩感想？
老實說，自從中國講左「媒體要跟黨姓」，我一點也不意外香港01的圖窮匕現，一年前嘅同一日，佢已經幫過中國漂白六四事件，當時我已經婊揚過佢地 （https://www.facebook.com/355077994871797/posts/519178965128365/ ） 今次佢自己加句「一貫反對台獨立場」，跟黨姓後實屬正常。
由細到大，我都以為做傳媒中立係好重要，但 #香港01 可以完全赤裸裸地表明自己有政治立場，也實在難得，難得在於他們已經認定了香港人係一樣會鬧、但鬧完一樣會睇，仲會繼續share佢啲文，滋養著這種跟黨姓的媒體。
我知，實有班「資深黃絲」跑出來話佢平時好多報導都好正好有心機，咁你做咩事鬧幣少派錢係做show？佢派錢、大拿拿俾九萬蚊明哥派飯，難道唔係做緊好事？你啲「一單還一單」原則去左邊？係架，做九件好事，就係為左食一鑊大茶飯；佢平時俾讀者九啖砂糖，當然係為左在必要時候質你呢班矯情的小賤人食一舊💩。
無計啦，#搵食姐，犯法呀？
咁又真係無犯法嘅... 但係正如我之前所言，做媒體唔應該有政治立場，咁既然你依家講到明自己係有立場，仲要係一貫立場咁強硬，我只係想代婊一眾讀者詢問：
貴報會否支持港獨？到底支持建制、泛民還是其他政黨？對本土派有咩感覺？愛不愛國、又愛不愛黨？支持美國還是中國？編輯部是否全體已採用華為？有冇打算同大公文匯852結盟、並且認祖歸宗？
點姐？拿，依家唔同今年你出文塞字入我口，我明明寫個模特兒「不是美、但也不醜，就是很平凡而已」，但你夾硬屈我串人醜樣。依家係你講明自己有一貫政治立場，咁我諗作為一個公正透明的傳媒，你唔介意一口氣講晒你所有的政治立場吧？
利申：人妻先生與一眾高官一樣愛國愛黨愛香港、愛人民更愛人民幣，與一眾極度愛國人士一樣，都是住在外國，日日話外國冇啖好食，但堅拒返黎食中國豬肉同飲東江屍水。
再利申：本文以iPhone寫作及上傳。
#趁住人齊同佢六面二口熱辣辣計清楚
#你哋完全唔夾隨時會甩拖
#你講啦你講啦
#你講你愛我講我知你愛我
#話佢聽你愛我等佢知道佢錯
#識唱一齊唱
#人地共媒係好有心機嘅
#仲好有機心添
#每次見到自稱民主派死忠的人分享01都會隔著電話冷笑
#就是這點智商了
#密通匪類
#講到出面你都仲當人係朋友
#我點幫你啊
