【有冇人話我知可以點樣續保？】
有啲合約想cut但cut唔到，有啲就想續但係續唔到，講緊你份醫療保呀！
市面上大部份醫療保險都需要每年續保。隨著年紀愈嚟愈大，身體狀況可能唔同咗，部份保險公司有機會按個別情況唔續保，亦有保險公司喺續保時會要求投保人提供健康證明，或者睇返佢嘅索償紀錄，有可能會調升保費、附加索償限制或者拒絕續保。
有啲醫保計劃有「保證續保」條款，投保前要睇清楚有關條款嘅詳情同年齡上限，例如自願醫保嘅產品就規定要保證續保至100歲。不過留意返，就算有「保證續保」，保費都可能會因應年紀、通脹等因素而有所調整㗎！
#每年續保VS保證續保 #最緊要睇返保單條款 #燕嗦日常
