【#小腳仔踏上漫長讀書人生路】#HappyFriday
幼稚園適應班話咁快就上咗5日，呢5日每堂只係上1小時。
我同和牛爸爸輪住向公司請半日假，陪個牛牛上學去。其實我哋都比其他家長幸福，因為家長陪上堂足足有成5日咁多。
其實呢5日，要和牛B感受得自己返學去上堂嘅機會並唔多。
幾乎呢5日都係陪足佢1小時(坐正佢隔離)，有3日和牛爸爸話臨放學前，老師叫家長離開課室扮接放學。和牛爸爸話，一閂門就有幾個小朋友喊。而老師就先放喊嘅細路放學，而和牛B係唯一一個無喊到嘅女同學，所以佢亦係最後先可以離開課室。
牛媽想問「喊就可以優先放學，唔喊就等下先…咁係咪爆喊著數啲呢?」
學習方面，尋日學校已經派咗單張關於網上教材，其實我唔想小朋友咁快用電腦/平板電腦。我好想保護和牛B雙眼，而我自己鍾意設計簡單教材，但教材都係印出嚟又或者有趣味性。
但大家留意，我係享樂型媽媽，我唔會強迫佢不停做練習嘅。
而5堂適應班嘅過去，下星期就要和牛B一個人孤身上學了。父母係時候要放手了，話咁快就到入學年齡。我有啲擔心，星期一送返學嘅時候，我哋要上演一場悲情戲…
因為和牛B自從知道就快要返學，佢幾乎晚晚都話好鍾意我，唔想我返工，要我陪佢。
#希望我哋唔會成為怪獸家長
#每朝食飽又上路啦
每朝食飽又上路啦 在 吃飽又能瘦的增肌減脂原則減醣飲食料理食譜 豆豆媽咪 的推薦與評價
減肥不是每餐只能吃燙青菜雞胸肉哦！ 我老公這二個月減了６公斤（因為胰島素阻抗很高，所以體重很難減），但是掉的都是純脂肪，沒有掉肌肉， ... ... <看更多>