去左日本🇯🇵？ 唔係呀，呢度係旺角黎架~😆
雖然間鋪細細，但裝修勁有心思~🎏
🐂阿久根和牛拉麵屋🍜
除左門面有特色，估唔到餐廳入面仲癲，不足20個位既鋪竟然可以整呢D 飛簷設計，不得不寫個「服」字~ ~搞到我有換番件「👘」的衝動~🤪
同日本的拉麵鋪一樣，呢度專心做拉麵，以4款湯底為主，分別係濃蝦湯，雞白湯，醬油湯同魚介湯，仲有沾麵可以揀添~拉麵價錢由 $75 ~ 最貴的$148 都有，視乎你要咩料啦~🐖🐂🐓🍤🦑
🐂燒牛肩胛拉麵 $ 98 (湯底可自選，我揀左醬油)
上枱時既牛肩胛係剛熟，我建議大家好快D食左佢，因為呢個時候係最嫩滑架~ 我自己幾鐘意呢度既拉麵，軟硬適中，唔糊口，好掛湯，而且份量仲好多~
愛辣人仕可以試下呢3款辣粉呀~ 真係超級正，原味本身已經辣 (比七味粉辣)，我尤其鐘意食蒜香同洋蔥味，真係有勁香的蒜香同洋蔥味架~
好想買返枝食薯條/薯片，一定勁夾~
濃蝦湯係店中大熱，當然要試試
🍤香煎虎蝦拉麵 $ 98
虎蝦超大隻，煎得好香口，而且個蝦殼已係背部切開，食都好方便，濃蝦湯係超濃味架，只係夾起D麵已經陣陣蝦味湧埋黎，完全係用蝦頭熬幾個鐘出黎個種感覺，最surprise 係湯底仲有好多櫻花蝦仔呀~
主菜精彩，小食一樣唔輸蝕
叫左2個特色食品
🧀鹿兒島流心芝士薯餅 $28
聽個名都覺得好吸引，而佢個樣又真係好鬼吸引，新鮮熱辣炸起，唔太多油，外皮鬆化，咬落啖啖芝士，配埋調過味的薯蓉。好CREAMY又脆口，雙重享重呀
溫馨提示：小心燙咀呀~
🥟沖繩苦瓜餃子 $48
好開心同行的朋友肯一齊食苦............瓜呀~😘
餃子煎得OK啦，強迫症既我成日望住個舊突左出黎既餃子 ~~🤣🤣🤣
餃子皮有D 綠綠地色，以為佢會有苦瓜味。原來，係無既~~😅😅 不過層皮厚薄適中，不錯~
餃子幾JUICY，咬開係有肉汁流出來的，而且肉味好濃呀~! 苦瓜同肉的比例大約係 3 : 7 。第一啖會被肉味搶左FO, 食多2啖就會FEEL到苦瓜的淡淡苦味
阿久根和牛拉麵屋
旺角廣華街13號廣輝大廈地下1號舖
(門口係煙廠街架)
煙仔虎價錢 在 海釣船一竿釣＜現流冷凍新鮮魚貨宅配＞ 的帖子 的推薦與評價
每天早上到港當日現流魚白帶魚丶秋刀魚丶小卷丶肥鯖魚丶煙仔虎 購買請私我 沒有殺現流整尾白帶魚中白一斤150元( 2隻1斤) 中大白一隻約12兩左右一斤200 ... ... <看更多>