你有冇曾經或者經歷緊一種心態，就係知道自己並唔適合朝九晚六坐喺office嘅工作，可惜冇足夠嘅勇氣同本錢去擺脫呢種生活？
最近我想搞搞個廚房，但又冇窿路，你知裝修呢家嘢好易中伏㗎嘛，所以我就喺group chat度求介紹，朋友阿賢好快應機：「我吖，之前先幫人搞咗個廚櫃組合，send啲相畀你望下，啱再報價，朋友一定計到你最平最抵。」
我：「早排影product相就話搵你啫，裝修又關你事？」
另一個friend都喺group chat內搭嘴：「阿賢你之前唔係有檔爬山用品批發咩，影相同廚櫃都撈埋呀？」
阿賢：「影相係我興趣，你哋不嬲都知㗎！裝修就係同我表哥夾嘅，佢有班底，但唔識搵客，爬山用品就想學下搞生意，呢壇都做咗好耐啦，又係我嗜好呢，最緊要係夠free夠自由。」
其實我幾佩服阿賢，因為佢可以按照自己想要嘅方式生活，不斷發掘新方向同埋新事物，再從中了解自己。
我以前都做過好多行業，但係形式上係一份工接一份工，其實咁樣仲嘥時間，做幾年之後覺得唔啱，跟住先轉行轉工，咁就半世人喇。當年唔興「Slash」，即係而家好多人講嘅斜槓族或者斜棟青年，因為老一輩會認為你周身刀冇張利，但我反而覺得同時間發展幾樣嘢，有助自己探索更多可能性，始終時間有限，而人生應該係無限。
你唔識我朋友阿賢，不過MIRROR嘅陳卓賢你就一定識啦！ViuTV嚟緊4月5號夜晚9:30首播嘅《無限斜棟有限公司》，就係由Ian 陳卓賢、 Amy Lo 盧慧敏、 黃定謙 WTHimmy 主演，內容正正係講三位迷失嘅斜棟青年將一間已停業十年有多嘅偵探社，改造成專為世界解決各類煩雜問題嘅事務所～～～「無限斜棟有限公司」，無論尋人、尋物、運送、示愛、分手、㧜煲……只要幫到人嘅委託都會做。
陳卓賢@MIRROR 嘅角色係一個斜棟青年，除咗送外賣，佢同時係一位唱作歌手、準畫家、準電競選手、準低音結他手……佢認為人嘅一生只做一件事係非常浪費。今次劇集仲有太保 、葛民輝、蘇麗珊、黃光亮 、吳家麗等人一齊演出，如果你想睇MIRROR嘅阿賢，又或者想了解多啲斜棟青年嘅心態同生活方式，咁就記得準時4月5號夜晚9:30收睇ViuTV原創劇《無限斜棟有限公司》喇！
#ViuTV #ViuTV原創劇 #無限斜棟有限公司
爬山用品 在 台灣製竹碳頸部保暖套p247-04頸套脖圍脖圍巾自行車騎機車 ... 的推薦與評價
台灣製竹碳頸部保暖套p247-04頸套脖圍脖圍巾自行車騎機車保暖服飾登山服滑雪爬山用品運動健身器材推薦哪裡買專賣店特賣會品牌開箱ptt便宜的商品價格， ... ... <看更多>