「我於燭光裡，祝福一句句都心滿意足。」
其實水瓶座好簡單，對人對事唔洗諗得太複雜，
開心咪得。有時睇野樂觀少少，或者對人對自己
都係一件好事，生命既然無得take two，不如落
LKF好好享受下？就係雲咸街呢間新開既酒吧
「Mint Supper Club」揉合西、泰兩國元素。
一入到門口重點見到佢地既裝潢，走型格特色，
以多種非常搶眼既顏色盡收眼底。空間感十足之餘，
仲有Shisha Bar提供，Let's chill baby！👇
-
📌Ching Mai Spicy Beef Fried Rice - $118
👉泰式炒飯一直都所向無敵，鍾意重口味既朋友
你地有福啦。呢個「香辣牛肉炒飯」炒得夠哂鑊氣，
一拎出黎己經聞到香，香料十足。當中食到牛肉粒
有咬口，飯粒炒得乾身，辣得黎又易入口，相當惹味。
-
📌Tom Yum Goong - $108
👉如果無冬蔭公既話，咁一定唔叫得上為泰式。
黎呢到必試既「冬蔭公海鮮湯」材料豐富，
分別有大蝦、青口、魷魚，每樣海鮮賣相都
好新鮮。而湯底唔會太辣，酸中帶甜，
相對椰漿味比較濃郁，唔錯。
-
📌Vietnamese Avocado & Soft Shell Crab
Rice Paper Roll - $138
👉最開胃小食非「越式牛油果軟殼蟹米紙卷」
莫屬啦，一份六件，賣相睇落手工精細，夠扎實
唔會鬆散。外面既米紙做透薄滑嫩。食落中間米粉
彈牙爽口，夾雜新鮮牛油果同埋好脆口既軟殼蟹，
口感一流。
-
📌Veggie in Coconut Soup - $88
👉素食者必定最愛既「椰香浸時蔬」，用上健康既
椰菜，浸係椰子湯裡面吸收哂香味。食落夠鮮嫩，
又夠爽口唔會太軟腍，下火係時侯！
-
📌Moctail -
▪ Peach smash - $80
▫ 先將冰塊倒入High Ball杯，分別用左青檸、
檸檬、蜜桃汁拎左佢既甜味。再加3/4安士既
石榴汁加強酸甜味，最後倒入梳打水成為一杯
好清新既Moctail。飲落清甜，岩哂我！
-
📌Cocktail -
▪ Cucumber Cooler - $138
▫ 先用左青瓜味既Gin做base，再倒入Elderflower
Syrup，加埋檸檬中和酸甜度，用Tonic Ontop，
最後用上Rosemary做裝飾。睇起上黎好似平平
無奇既外表，其實內裡啖啖都係清甜既青瓜味，
後勁仲有少少酒香，好特別。
-
📍 Mint Supper Club
🎈中環雲咸街43-55號地下
