//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
//任命狗官張舉撚議案，當五個新西候選人入面，三個投反對嘅議員有兩個拒絕參加初選；剩番參加初選果兩個卻一個投棄權、一個缺席連票都唔投，點解無人會質疑，究竟個初選意義係邊？係咪只為咗令無能飯民入議會千秋萬世？而當成班黃屍關心邊個議員有無參加初選，而唔係班議員響議會究竟有無投票、點樣投票嘅時候，真係夠撚哂荒謬──用係咪飯民大台成員而唔係議會表現黎選擇投邊個一票，呢個就係充滿香港特色嘅民主精神。//
街工突然宣佈參加初選但唔退選，違反新界西「具約束力初選」共識，結果引黎一眾飯民瘋狂圍攻，戴妖同一眾新西飯民候選人，更加聲言絕不容許街工留在初選名單內，可謂飯民初選截止報名後一粒最大花生。
成單嘢我想分開兩邊去睇，一方面街工嘅諗法當然係有佢戰略考慮：講真梁耀忠以目前臭哂嘅朵，響新西初選佢地兇多吉少；梁耀忠今屆決定排第二推新人上去，更加可以肯定擠進初選後「新西頭6名推薦名單」嘅機會係0。唯一嘅勝機就係在於，等政府DQ朱凱迪、岑敖暉、黃子悅呢幾個激進派飯民候選人之後，仲留響選舉嘅街工就可以睇下攝唔攝倒入去垃圾會。
咁呢種做法當然係非常無賴：因為既然你唔打算遵從初選規則，就應該爽快啲學熱狗退出初選，你又留響入面又唔遵守規則，飯民大台圍屌你亦非常合理。
但梁耀忠公然違反初選規則，客觀效果就係初選機制權威再次被挑戰，愈來愈多人會走出黎質疑，究竟呢個初選機制，係咪真係公平，定係偏幫某幾種候選人。
但另一方面，當我見倒果個蕭雲走去陰謀論梁耀忠其實係打算「混水摸魚令街工得票或有進張、甚至讓兩人雙雙當選」，我又開始頭痛起黎：喂大佬呀，只要你熟悉多少少成個初選機制，你都知無乜可能啦！
1. 新西初選排六條隊，尹兆堅同郭家麒兩件溫和飯民幾乎都霸硬兩個位；然後職工盟吳敏兒隨時又霸多一個位，呢三個都鐵定唔會被DQ；梁耀忠要贏兩席，首先要高票過哂佢地先得喎。再者，上屆朱凱迪贏到8萬幾票都贏唔倒兩席啦，唔撚該梁耀忠可以贏倒10萬票咩！
2. 飯民參選為防被DQ，每一個候選人都自己揀咗Plan B，佢地被DQ咗班支持者咪直接選投番各自嘅Plan B囉，邊到街工混水摸魚？退一萬步講，如果班飯民選民真係唔投比Plan B，而真係ON99走去投梁耀忠，咁其實咪即係證明咗成個初選機制有問題囉！
即係由黃之鋒九東之亂開始，我已非常質疑飯民初選呢個「指定轉世靈童機制」：喂我從來都只係想投Plan A咋喎，你推個Plan B出黎我其實係會想頭排名比較後果啲候選人家嘛，你有乜理由迫我食個完全唔吸引嘅Plan B，而剝奪其他排名較後嘅候選人嘅被選權呢？呢個咪臭係點解會出現「無約束力初選」嘅原因囉！
即係如果蕭雲同果幾百人如果真係會擔心出現呢個情況，其實就係對呢個初選機制投下不信任一票！不過對佢地黎講可能真係太複雜，連自己倒咗飯民初選嘅米，自己都唔撚知。
Anyway，頭先有黃屍狗響Facebook挑9我機，話「成日話焦土，你有種就開個Post叫人支持梁耀忠投佢一票」，所以我又特別響度講一次：雖然我自命焦土派，但我對今屆垃圾會選舉嘅立場仍然處於「彈出彈入」狀態──其實好正常丫，除非你係某人鐵粉，否則邊可能今日經已決定倒投邊個一票？
首先我係非常欣賞朱凱迪響今屆議會嘅抗爭表現，佢亦係少數我係覺得值得投一票、而無必要焦土嘅激進飯民代表。問題卻在於今屆佢被DQ嘅機會經已高唱入雲，而佢欽點嘅轉世靈童無論係黃子悅（又係可能被DQ）又好邊個都好，我都一定唔會揀。再加上朱凱迪對於同一屆嘅飯民各種不開會、不投票、幫政府護航嘅惡行，就算無包庇，亦好少出聲指責，甚至容許尹兆堅郭家麒之流同列入於初選名單之中，呢種「平庸之惡」亦令我對佢扣分唔少。
所以假設我係新西選民，所有參加初選嘅候選人都都會秉承一票不投原則（朱凱迪奇跡無被DQ則再諗諗），咁剩番落黎就係一班拒絕參加初選嘅素人，同埋焦土投建制──其實對勇於「拆大台」、否定初選制度嘅非建制候選人，我都會抱以同意同支持嘅意思（熱狗除外，因為佢地拒絕攬炒之餘，亦唔爭在我果一票，佢地爭取的票源係我難以分析的……），推薦比大家考慮一下。
但萬一剩番所有嘅非參加初選候選人，響往後嘅論壇表現都令我感到失望、達成唔倒堅定不移同政府攬炒嘅效果嘅，咁就可能會射比田北辰都唔益你班飯民──當然大前提係我要係新西選民啦。至於梁耀忠，其實我唔係無考慮支持佢架，問題只在於佢雖然反初選制度，但佢亦拒絕攬炒，完全違反我焦土派原則，咁我真係好難投得落手囉……
最後呢度又要感嘆一下，相比起今日黃屍之間就有關梁耀忠退出初選嘅激烈辯論，前幾日有關張舉能議案飯民集體棄權、贊成同缺席表決嘅討論就冷清得多──你睇下屌尻梁耀忠果個蕭雲，會唔會講下白頭佬就係五張反對票入面嘅其中一個？
