【喵奴日記長篇 - 慎入！】
「陸肆的意義」4.6.2020
細個每年嘅今日，新聞都會播出89當年報導。有年我問父母，其實發生咗咩事，佢哋支吾以對，媽咪淨係話當年佢陀住細細妹，喺屋企睇住新聞直播，一路睇一路喊；而爸爸就只會講「同共產黨作對，只有死路一條。」
我係讀大學時先開始了解咩係「陸肆」。
2009年，我yr 2，因為當年適逢「陸肆」20周年，社會上都好熱烈地討論呢件事。我開始好想了解成件事嘅始末，於是不停上網搵相關嘅報導，直至到我搵到youtube一條片（應該話係20條片，佢係將一條長影片分拆成20小節），當晚我就喺宿舍度一路睇一路喊，直到差唔多天光。
自此之後，我就有連續幾年都有去參加燭光晚會。個幾年出席人數都keep住15-18萬。
後來，社會上開始攻擊支聯會，話佢係左膠，大中華膠，就連學聯都話唔出席晚會，結果，由2015年起逐漸減少，但到2019年，因為政府強推《逃犯條例》，再次激起民忿，再次衝破人數18萬人。
究竟，「陸肆」對香港人嚟講有咩意義呢？
以前，我去晚會係因為抗議中央用武力鎮壓無辜市民，點解北京嘅大學生要向中央下跪表達訴求，都會被清算。
估唔到，十一年後，社會同資訊更發達嘅香港，竟然出現返30年前嘅悲劇，被政府聯同中央一同鎮壓香港嘅市民，重要藉限聚令有意停止30年來風雨不改嘅晚會。
我覺得自從上年出現大大小小反對《逃犯條例》嘅遊行，而每次都被狗方武力鎮壓之後，我對「陸肆」晚會有更深嘅感受。
啲人話針唔拮到肉唔知痛，是真的。以前我出席晚會主因係覺得當年嘅人民好可憐，感覺上係以「局外人」身分看待事件。
宜家香港正正重現當年水深火熱嘅情況，我哋香港人不停俾林鄭同中央矮化同劣化，當香港人係傻仔咁玩，不停L化我哋，話咩「民意對我黎講唔重要」、「壽終正寢」、「止暴制亂」，又想以教育向年青人洗腦，*自制*曼德拉名言「教育的崩潰足以摧毀一個國家」，宜家仲強推「國安法」，每一步都係將香港人推向懸崖邊，每次都要踐踏香港人嘅底線。
老實說，睇完youtube條片，我覺得香港真係好似行返31年前個條路。如果依據返歷史嘅演變，香港最後被中央同政府武力鎮壓，坦克車輾過香港人身體，抗爭者流亡海外，然後中央全面收管香港，一國兩制正式「壽終正寢」。之後仲會每年有燭光晚會悼念死傷者嗎？你話呢？
好喇，廢up完，同大家介紹一下呢條當年好啟發我嘅youtube片，有中文字幕㗎（不過睇晒要2.5小時🤦🏻♀️）。
👉🏻https://www.youtube.com/playlist?list=PLFDE53103C5DC96AF
再引用已fact checked嘅名言：
“A riot is the language of the unheard“ - Martin Luther King Jr., 27.9.1966
#陸肆晚會對你有甚麼意義
#當年因胡耀邦逝世引發陸肆
#現在因陳同佳殺女友引發一連串蝴蝶效應
#你覺得歷史會繼續輪迴
#還是會改寫歷史
#大家要以史為鑑
#各自爬山
#不分化不割席不篤灰
#好重要
#希望打完呢篇文唔好俾人拉
#我係睇完條youtube片想分享感想咋
#唔駛自我審查卦
#我手寫我心
當年因胡耀邦逝世引發陸肆 在 时事大家谈：胡耀邦忌日三十年：中国人还有没有当年的激情？ 的推薦與評價
今天是中共前总书记 胡耀邦逝世 30周年。 当年 这位具有改革激情的中共领导人受元老迫害，壮志未酬，郁郁而终， 引发 了一场声势浩大的学生民主运动， ... ... <看更多>