《 #巧愛媽媽 — #與孩子下廚》
今日整 #粟米雞肉水餃，味道還好，但D肉太「鞋」，不過唔通 #下廚 真係為左D食物咩（又要開導下自己）身為 #地獄廚神，都同巧兒下廚，係因為小朋友有下廚經驗有好多好處。
1. #訓練專注力 #手部動作
對住一堆材料，巧兒好興奮，但我都要佢睇示範，然後先落手做，佢會知道幾時要睇，幾時要等，幾時可以玩。整芝士波波，巧兒識左倒（芝士）、壓（粉團）、搓（波波）、攪拌。包水餃，巧兒又識得要拎（水餃包）、放（肉肉）、摺起。呢啲動作都可以訓練佢手部肌肉。當然，小朋友年紀越大，越可以比多D部分佢地試。
2. #學習生活知識
下廚過程中，小朋友會睇到 #食物原狀，例如佢會知道蘋果係有皮有核，外紅內白，而唔係白色一片片。蘋果核同芯唔食得，皮要清乾淨先可以食。
3. #建立自信
#親子烹飪 家長要 #調整心態，唔需要太趕或者太緊張個成果，講真，你自己整一定快靚正過同小朋友一齊整。下廚過程中，搵機會 #讚賞佢，我今日同巧兒講：「你好小心去拎起塊餃子皮，好叻喎！」佢既成品就算麻麻地，都可以照收貨，佢見到自己整既食物，會有好大既 #成功感 同 #滿足感。
💡我就廚藝不精，如果有 #簡易食譜 或提議，歡迎留言。
朋友問：「點解咁有心機寫咁多字既？」
我答：「每個小朋友都值得擁有一個 #健康快樂童年。如果我寫少少字，可以幫到一個媽媽有多少少 #育兒靈感，即係幫到一個小朋友有美好童年，何樂而不為呢？」
❤️認同請like and share
#20m10d #babyellie619 #daniellemama #湊巧有本育兒經
——————————————————
❤️Like Facebook專頁《湊巧有本育兒經-Danielle Mama》一齊分享同討論育兒話題啦！
湊「巧」有本育兒經－Danielle Mama
