以前，米媽娘家屋企得電飯煲，好大個，因為有爸爸媽媽啦，有哥哥啦，仲有米媽，我地個個都係大飯桶。
不過而家個個出曬身，結曬婚喇，媽媽成日都話想買個細細地既一物多用煲用黎煮下粥，炆下肉，燉下野，煲下湯。 米媽都一直有幫手物色。
呢個Rasonic 新出的「細味廚」智能煲，細細個得黎又多功能，岩曬媽媽!!仲可以趁聖誕節送俾佢，教佢用=))
送野俾媽媽，最緊要實用，所以一定要自己試過先，到時送俾媽媽時，就可能即場教佢用喇。
呢個智能煲，煲仔細細，小家庭岩曬。
但係特點有好多:
佢有成9種煮食功能，煮飯、豆類蹄筋、牛羊肉類、家禽排骨、慢燉、粗糧、粥、湯及嬰兒粥齊曬!!米媽見到個BB 粥仔即刻心心眼左，同埋又可以燉燜D肉類，煲湯，一個細細地既煲，有時想煮少少時，真係好方便。
佢有個自動/手動排壓，靈活選擇開蓋時間，咁D食物係煲入面可以保存得好好，密封加熱，省時慳電，鎖住食物營養。
佢有浮子閥升降，可以清晰排壓提示，想食時先排壓。
米媽最喜歡就係佢個【LID OPEN】開蓋收汁功能，燜燉野後，多數都要收汁，而家個細味廚都做到，唔駛另外係明爐到煮。好方便。
雖然細味廚細細個，但佢都可以有12 小時預約功能，前一晚放定米落去，第2朝起身就有粥做早餐叮，同埋最長 有24 小時保温添~~
今日用細味廚煮牛肝菌燴飯，大人細路都勁中意!!連花花都食得，即使唔落調味料都已經好夠味，
大人可以因應喜好，最後加豉油，畫龍點晴，味道勁好，牛肝菌香味濃郁~~
【快樂煮意】細味廚牛肝菌燴飯
材料:
乾牛肝菌:20克
米:1杯(160 ML)
椰菜絲:20克
無鹽牛油/橄欖油: 5克
洋蔥: 10克
浸牛肝菌水:80ML
高湯: 80ML
豉油: 1茶匙(如需要)
做法:
詳細版做法:
1.將牛肝菌洗淨，浸軟，浸牛肝菌水備用。
2. 按【RICE】功能，再按【START】，先開蓋，下牛油，溶解後，加入洋蔥略炒，更添風味。
3. 洋蔥軟化後，加入椰菜絲炒軟，加入牛肝菌，米略炒後，再加入浸牛肝菌水及高湯拌勻。
4. 冚上蓋後，便會開始煮。煮好後智能煲會顯示【KEEP WARM】，等待10分鐘收乾飯粒才開蓋，倒入豉油拌勻便可以享用了。
更簡易版做法:
有時想偷懶，但又想吃到好味的燉飯，其實只要將以上材料全部放入煲中拌勻，冚蓋襟制等煮好便可以了。
如果想一餐有齊蛋白質，纖維，碳水化合物，就可以加入喜歡的肉類切粒，便成為另一款口味了。
Rasonic
#Rasonic #細味廚智能煲 #9種煮食功能 #外形小巧 #智能煲 #Rasonic快樂煮意
