如果兩者不能共存，你結婚會想收一對重量級龍鳳手鐲？定係有一個好奶奶？
我同事早排結婚，埋怨奶奶買畀佢嘅龍鳳手鐲太幼，其實清官難審家庭事，但最後忍唔住用旁觀者身份講咗一個睇法：「而家一對似樣嘅龍鳳手鐲埋單最少幾萬，一般老人家冇收入真係幾難負擔，結婚係開心事，唔使為呢啲嘢掃興啦！」
搏一搏咋！因為我唔知佢奶奶屋企係咪好有錢，又唔知佢老公係咪畀天價家用，但我同事聽完之後總算靜咗落嚟。
最近成team人講起農曆新年，呢位女同事再一次重提佢奶奶，但今次好好多喇：「份工太忙，我話學唔到其他新抱咁自己整蘿蔔糕，問奶奶喺街買現成得唔得？點知佢話我傻女，仲話梗係冇問題，難得我肯同佢個仔公一份婆一份，呢啲嘢好閒，出去買一樣有足料、新鮮、有口感，點解唔畀自己生活過得輕鬆啲呢？」
體諒係一份無價寶，女人最好嘅結婚禮物，係一個支持同體諒自己嘅奶奶，龍鳳手鐲你賺到錢幾時都可以買，好奶奶係用錢買唔到，可遇不可求，難過搵到好上司。
不過老實講，婆媳關係嘅嘢未輪到我煩，我比較在意佢最後去邊度買蘿蔔糕，八卦知道同事已經揀定聖安娜蘿蔔糕，新鮮蘿蔔厚切粗條，多汁有口感，配埋瑤柱蝦米同埋臘味，呢個新年一定皆大歡喜，除咗氹屋企人開心，送畀同事或者客都一樣咁大方得體。
聖安娜餅屋 Saint Honore Cake Shop
#聖安娜 #瑤柱蘿蔔糕 #新鮮蘿蔔厚切粗條 #好奶奶勝過重量級龍鳳手鐲 #新年皆大歡喜
