#好豐富可以啖啖蟹肉🤤🤤
#自家簡易製蟹肉忌廉蕃茄濃湯🦀
Bella嘅口味幾乎同我一樣，就好似食蟹咁，可以拎住隻蟹腳埋頭苦幹細味唔出聲，直頭好擦得。其實想食蟹都唔一定每次活劏，特別係怕大工程懶拆蟹、但又想啖啖蟹肉食放入口嘅朋友，就可以用急凍蟹腳肉來整 #蟹料理🦀。
我今次就用咗美國東北部Jonah Carb蟹腳肉來整西湯，自家製可以落重本啖啖蟹肉🤤，蟹腳肉雖然急凍，但煮完咬落去依然爽彈，肉質一啲都唔霉，肉甜，與酸味味嘅忌廉蕃茄濃湯絕配，非常開胃😋，做法亦簡單快捷，而且急凍蟹腳肉亦可以用黎整蟹餅、炒飯、煮pasta、整薯餅等等，越諗越多野整呀😆，總之一包放冰格可以分幾次慢慢整。
而Jonah Carb蟹腳肉係美國東北部漁業嘅野生海產之一，佢哋都係實行責任制捕撈及管理，對海產亦有妥善嘅保護措施，保證漁業可持續發展，除咗Jonah Crab，美國龍蝦亦係可持續性漁業發展嘅典型範例。
♥️啖啖蟹肉忌廉蕃茄濃湯🦀
材料（2至3人份量）：
美國Jonah Carb蟹腳肉200g，
中型蕃茄3隻，洋蔥半個，中型薯仔一隻，無鹽牛油10g，蒜蓉2瓣，忌廉奶150ml，蔬菜高湯250ml，月桂葉2小片，適量黑椒碎/鹽/胡椒粉/白酒
1. 蟹腳肉解凍後印乾水份，加入少少白酒及胡椒粉拌勻去雪味，過一會再倒去水份，爆香牛油及蒜蓉，落蟹腳肉炒至由透明變白色，灑些黑椒及鹽調味，備用。
2. 用牛油炒香洋蔥，把蕃茄及去皮薯仔蒸熟，蕃茄去皮，與薯仔、洋蔥及高湯放鍋中煮滾，打成蓉，再加入忌廉奶及月桂葉煮起，灑些鹽調味，放入已炒香的蟹腳肉即成。
想搵呢隻美國野生Jonah Carb蟹腳肉或美國野生龍蝦，可以去呢到睇👉🏻http://www.anniefood.com
#ProductOfUSA #USAJonahCarb #AnnieFood
自家簡易製蟹肉忌廉蕃茄濃湯 在 許許與小Bella - #好豐富可以啖啖蟹肉 #自家簡易製蟹肉忌廉蕃茄濃 ... 的推薦與評價
2. 用牛油炒香洋蔥，把蕃茄及去皮薯仔蒸熟，蕃茄去皮，與薯仔、洋蔥及高湯放鍋中煮滾，打成蓉，再加入忌廉奶及月桂葉煮起，灑些鹽調味，放入已炒香的蟹腳肉即成。 ... <看更多>