【延續傳統： Mizuno Morelia 2 Made In Japan 實測】
.
講返Mizuno，以往阿靴都會諗起Morelia Neo嘅系列，畢竟佢設計較為修身輕巧，而且外型較為年輕。而於較早時間，阿靴就有幸試到Mizuno較為傳統嘅款式：Morelia 2 Made In Japan，一對外表較為老實，但係發揮高質嘅一對袋鼠皮波Boot。而今次，阿靴試嘅配色為相當日本嘅白藍紅配搭，阿靴再次感謝 Hanstti Soccer 提供嘅波Boot。
.
Morelia 2絕大部分位置均用上袋鼠皮，唯獨鞋口附近位置用上合成皮。袋鼠皮用上傳統車線方法鞏固皮革，Mizuno亦表示Morelia 2亦用上特製嘅纖維，減少袋鼠皮過度拉扯嘅狀況。至於鞋踭位置，Morelia 2用上較傳統嘅內置設計，鞋釘上亦用上Mizuno教傳統嘅短圓釘。今次實測嘅Morelia 2屬於Made In Japan日製版本，手工較印尼版本精緻外，製作時間亦會較長。
.
於整個實測過程上，阿靴最喜歡Morelia 2帶來嘅控球感覺。高質嘅袋鼠皮帶來優質嘅球感，可以相當輕鬆將波控去期望嘅地方。袋鼠皮質料軟熟，佢唔會話好似傳統袋鼠皮波Boot咁厚，亦因此腳同波嘅接觸面會較接近。
.
阿靴亦滿意Morelia 2帶嚟嘅長短傳，同樣受惠於高質嘅袋鼠皮，長傳嘅球感相當豐富，而佢嘅袋鼠皮厚度亦啱啱好，長傳力量感屬於充裕，隨時間去，袋鼠皮會與腳掌融入，球感亦會越來越出色。至於短傳上，Morelia 2 感覺舒適，傳球時可以容易感受到觸球嘅質感，傳球路線相當穩定。阿靴最喜歡以Morelia 2作控球，轉身再傳球嘅動作，感覺相當一氣呵成。
.
至於盤球上，阿靴認為佢十分舒適，軟熟袋鼠皮配以闊腳鞋型，相信會係唔少闊腳波友嘅恩物。不過，由於阿靴屬於中腳型，包腳感會相對Morelia Neo較弱，因此帶來嘅速度感同靈活度會較弱；但又不過，Morelia 2嘅重量於真皮波Boot界別內屬於輕身，佢唔會帶來笨重嘅感覺。
.
射門上，阿靴認為發揮屬於中上。腳面射門上力量充足，亦容易食得應，不過佢需要時間適應，先做到具質素嘅射門。至於腳內檔射門上，傳統袋鼠皮帶來適中嘅摩擦力，弧度唔算非常明顯，但係帶來嘅射門球感理想。
.
尺碼上，阿靴認為佢無偏大無偏細，平時著US8嘅阿靴著返同Size就啱啱好。至於鞋型上，阿靴認為佢適合闊腳嘅波友。
.
Mizuno Morelia 2 實測報告：
盤球：●●●
控球：●●●●●
短傳：●●●●◐
長傳：●●●●◐
射門：●●●◐
舒適：●●●●◐
保護：●●●●
.
波Boot提供：Hansttisoccer
.
--------------------------------------------------
【屎波裝備多Instagram】Follow: instagram.com/hkfootballreview
【波Boot實測】Desporte Tessa Light ID Pro 1: https://youtu.be/nsshfwk3aUA
【波Boot實測】白飯魚: https://youtu.be/-dbvs0_YgiY
【波Boot比較】五對驚喜釘Boot: https://youtu.be/vzDRe25kkrM
藍 色配色表 在 傳統顏色名錄－藍水藍：極淺的藍色。 蔚藍：類似晴朗天空的 ... 的推薦與評價
群青：深藍色。 靛青：也叫「藍靛」。 靛藍：由靛藍或菘藍屬植物提取所得到的藍色染料。 紺青：亦叫紺紫即純度較低的深紫色。 藏藍：藍裡略透紅色。 黛藍：深藍色。 ... <看更多>