【取捨】
英國唔係最好可以得到幾多，香港未係最差又可以放低幾多？
我從來都唔會對親戚朋友推銷英國係移民天堂，因為一百個人會有萬個理由。老實講今時今日留响香港嘅人，認真諗離開嘅大部份都係中產。要考慮嘅，我覺得只係自己一家人嘅取捨（無其它）！晨早已經有外國護照嘅，會話香港搵錢多又方便嘅理由問人點解要走。亦有一啲會覺得比當年英國人管同今日比大陸管係無分別，而且又真係賺到下錢所以諗唔到點解要走。
其實上面講嗰兩類中產，都唔可以話係錯晒嘅。為咗搵錢，生活方便，又有層樓加上一堆親朋戚友，真係無乜動力要離開嘅。例如我有朋友係搵到錢嘅大中產（唔係我厘啲偽嗰種！），有層好唔錯嘅樓，個仔讀名校。連我都有啲同意，佢就真係諗唔到點解要走囉。正如佢所講，去旅行的話特區護照同我嗰本咪差唔多。走咗咪乜都無晒，重新黎過？
問題係每個人心裡面都會有把唔同嘅尺，去考慮自己對生活同下一代嘅要求。而且每個香港人當考慮離開香港移民嘅時候，真係要用嗰把尺出黎嘅。其它人嘅意見，我覺得係完全多餘嘅。正所謂我之蜜糖彼之砒霜，討論黎係完全無意思。討論嘅層面，我覺得就只係一家幾口。因為兩公婆同仔女各自把尺都可以唔同，而真正受切身影響嘅先係佢地。
我覺得真正要諗嘅，係所有一切嘅取捨。盲目咁諗香港依家有幾衰，事實上係幾衰都有。不過又唔好幻想到英國方方面面都比香港好，工作，飲食，交通，教育，醫療都有啲國內嘅內部問題。但我又唔會講什麼Cultural Shock同歧視厘啲低能嘢，香港人日日都要面對cultural shock同歧視啦。
係要諗移民嘅，就要諗一家人去英國生活會得到乜，而會失去香港已經擁有又習慣咗嘅係咩。每個家庭嘅諗法同答案都唔同，所以同親戚朋友傾係嘥時間。當然最好嘅就去當地感受下，亦最好上網睇下唔同嘅英國本地報紙了解下英國本土面對嘅問題。大家如果靠華文傳媒或者我厘啲低質網上資訊，就真係好唔全面囉。
最後我只會提醒一個大原則，厘個世界係唔會有走咗就乜都解決舒服晒嘅地方，亦都唔會搵到生活如同香港分別好細嘅國家。只有你肯放低幾多，同攞番幾多咁解。
#路係自己揀
#點揀睇把尺
#啱我唔等如啱你
#蜜糖砒霜自己諗
蜜糖砒霜 在 乙之砒霜]... - 香港小學習字表- [甲之蜜糖 - Facebook 的推薦與評價
[甲之蜜糖，乙之砒霜] 「甲之蜜糖，乙之砒霜」是來至唐代的古語，意即是每人的價值觀不同，你認為是蜜糖的東西，其他人卻認為是毒藥。 ... <看更多>