關於 追加咗豬肉蓋飯和海苔玉子燒的食譜在底 ，我們在網路上蒐集到這些相關的討論、資訊與評價

#柯豬家是日晚餐 #missingOkinawa #追加咗豬肉蓋飯和海苔玉子燒的食譜在底

番嚟香港已經3日，但我個心仲喺沖繩度 😂 所以今晚的晚餐是<和食>！！

『味噌煮三文魚、豬肉蓋飯、海苔玉子燒、牛油焗沖繩蕃薯』

煮三文魚的紅味噌是喺沖繩♥買的，用佢嚟煮魚類真的超級夾，怕骨唔食魚的柯豬爸都話 good~

豬肉蓋飯的豬肉片吸收了鰹魚高湯+料理酒+味琳+醬油的味道，加埋煮到軟爛的洋蔥，是美味又簡樸的家常料理。

玉子燒係柯豬媽常做俾兩姐妹食嘅小朋友餸，平時無加餡，今日就加咗啲紫菜，都唔錯~

用平底鑊焗蕃薯又係我經常煮俾柯豬和些莉妹食嘅餸菜之一，今次嘅蕃薯係啱啱喺沖繩抬番嚟香港的，特別甜，特別粉！😍 另外仲落多咗幾粒新薯一齊烘，臨上碟前俾一細塊牛油 mix well，真係會香好多㗎！

#柯豬姐與些莉妹
#煮咩好 #cookingideas #食咩好

<<<<<<<<<<<<<<<<<<<<<<>>>>>>>>>>>>>>>>>>>>>>

😻豬肉蓋飯

材料：
急凍豬腩肉片 400g
洋蔥 半個
蒜頭 2粒
料理酒 2湯匙
味琳 2湯匙
萬字醬油 3湯匙
鹽 少許
糖 1茶匙
白胡椒粉 少許
鰹魚湯包 1個
暖水 250ml

急凍豬肉解凍，準用。

洋蔥切條，蒜頭切碎，備用。

鰹魚湯包放暖水浸出味，跟住落料理酒、味琳、萬字醬油、鹽和糖，攪勻循。

燒熱鑊，落少量油，炒一炒洋蔥和蒜蓉，跟住落埋豬腩肉片拌炒，灑啲胡椒粉。煮到半熟時倒入汁料，開大火煮到滾起，蓋鑊轉細火，煮15分鐘，完成。

食嘅時間喺新鮮白飯上加啲肉片，淋啲汁，正呀 😍

😻海苔玉子燒

材料：
5隻全蛋(中~大的雞蛋)
糖、鹽、胡椒粉 各少量
紫菜 6片 (長方形零食 size)

1. 雞蛋打勻，加少量鹽糖白胡椒粉調味。(之後的步驟是每次倒入約*1/6*的蛋液)

2. 燒熱平底鑊，掃油，落蛋液，煎到半熟時向上推到平底鑊最上¼的位置 (→*A*) 。

3. 喺平底鑊最下¼位置再落蛋液，搖動鑊令蛋液鋪平，最重要的一步是用鑊鏟｢的｣起 (A) ，令蛋液可以痴住(A) 的底部，咁樣先可以之後捲起來。

4. 當(3)的蛋皮接近9成熟時，將(A) 向自己方向捲起，大約捲3次就會到平底鑊的底部了。
(慢慢來，不要心急😉)

5. 將(4) 向上推至平底鑊的頂部，重覆(3) 的步驟直至用完全部蛋液。

6. 紫菜可以喺捲第二次前時加入蛋皮上，跟住捲起來，咁樣紫菜就可以包喺玉子燒的中間了~~ 😊