學泰文之心得:
-
1.心態很重要:
學仼何野都係,你冇心學果樣野的話,就算免費俾你學又點,都係學唔到啲咩出黎.我成日係到諗,如果我學英文都有學泰文咁咁有熱誠,我既英文應該會冇咁爛🤔.
-
2.要珍惜香港人學泰文既優勢:
雖然我講唔出咩大道理,但我可以肯定兼大膽保證,香港人學泰文係比其他國家既人學泰文易.
-
原因我就唔考究,我唔係專家🤷🏻♂️但係個人覺得母語係廣東話既人學泰文係易既.原因可能係包括聲調,發音,語言既相似度.
-
反轉黎講,我間唔中無聊就教泰國人講幾句廣東話,你會發現其實佢地既發音都好清晰架,係講緊發音,唔好理佢之後記唔記得點講😂😂😂
-
但同歐美人比,可能本身語言既差異大啲,學起上黎冇咁得心應手,即使記得個字點講,但發音都比較偏向歐美Style.
-
其實唔只香港,韓國同中國同台灣既學生學泰文都會易上手啲,個人覺得啦下🤷🏻♂️😂😂😂
-
3.係泰國學泰文係咩人?
第一種係純興趣,即係我🤷🏻♂️😂
-
第二種係伴侶要係泰國工作幾年,而自己唔可以工作所以就黎左學.
-
第三種係自己係泰國做野,抽時間黎學.
-
第四種係伴侶係泰國人,移居黎泰國,所以學.
-
第五種係父母親其中一方係泰國人,所以想黎學
-
第六種..不能盡錄😂
-
4.同泰國人溝通好重要
-
幾時都話,Practice make perfect.學完之後,真係運用,先會記得到多啲.加上,始終課堂上既時間有限,教既係比較禮貌同Formal既字眼,一啲平常泰國人會講既口語呀果啲,都好少係課堂學到,依個時候就真係要靠你自己同泰國人溝通去學喇.
-
5.老師既質素好重要
-
由於我地每學一個Level都會轉唔同老師教,所以分辦到點為之好,點為知冇咁好,分別可以好大.不過分辦到都係要硬食,除非你等下個月先再上堂.
-
好既老師,解釋得好易明白,當然意思唔係用英文解釋,學校從不主張用英文去解釋,而係用例子,而例子中都有分易明同唔易明,依Part就係一見高下既時候.
-
另外好既老師會根據同你課堂上既對話從而教多左好多書外既字.而相對冇咁好既呢,教既生詞好少,又或者同一樣野拖長黎講,變左三粒鐘好似冇學左啲咩咁🤷🏻♂️所以話即使有心學,都要睇埋老師果邊.
香港人學泰文 在 香港人學泰文คนฮ่องกงเรียนภาษาไทย - YouTube 的推薦與評價
香港人 學生分享學泰文心路歷程Follow Vita • Instagram ‣ travelwithvita • Facebook ‣ travelwithvita • YouTube ‣ homvita • Whatsapp ... ... <看更多>