Question 1

3323可以入龔成 在Facebook 的評價

Accepted Answer

【龔成問答信箱】（Q19421-Q19440）Q19421：老師，我見到出面有網友話，你除左識叫人供盈富外，唔識比其他意見，所以無料到，你點睇？龔成老師：如果一個數學教援，當佢對著一個小學生，要刻意教微積分嗎？有需要為表現自己的知識，教他不明白的方法嗎？當我比理財意見時，最重要是「適合」，如果強行叫網友買風險過高或他不明白的工具，我認為有點不負責任。其實好多年前已經有評論話我只懂叫人供盈富（2800），但我咁多年都照樣叫人買盈富。我無理由因為避開唔比人話，我就偏離正確的方法。其實我一直都明白，盈富（2800）並不是最高回報的投資，但這是一個組合，當中有52隻質素不太差的股票，對本身不懂選股的投資者來說，是一個很好的選擇，加上有平衡組合風險的效果。回報，未必高，但就是「穩中求勝」，如果要較高回報，其實我有同時推3067的，當然風險度高左。盈富就算對無乜選股能力的投資者，提供一個穩健，收息及平穩增長的組合。至於我叫人月供，都是同樣道理，對於不懂掌握買賣時機的投資者來說，月供股票是最好的方法。但如果有買賣時機能力，就未必要月供。其實我知，我往後一直叫人月供盈富，仍會不斷比人話我無料到，但無所謂，因為我認為呢個係「最適合」的理財方法，所以往後仍會不斷叫人月供盈富。------------------------------------------------Q19422：請問分析後點解成日都會有一次性收益既唔係出售業務先有？分拆後理應母公司成為子公司股東 子公司每年賺錢 母公司按持股比例獲得收入分拆與一次性收益有何關係龔成老師：其實當然涉及一些會計上的入賬模式。其實分柝的原理，就是將某些業務獨立上市，同時將部分股權由自己持有，變成市場持有。我用好簡單的概念同你講，因為佢分柝後，原理如同將部分股權賣出，而佢之前的入賬可能以成本價計算，所以當分柝就會出現賣出價高過成本價的情況，令到佢出現特殊的盈利。------------------------------------------------Q19423：龔成老師你好, 我從你的文章得到啟發, 由2015年開始月供.現時30歲, 月入2萬, 現金流10萬, 每月月供4千. 至今, 持有以下股票:建設銀行 (939) 月供年期: 2015至2018年股數: 11407股平均價: 5.84盈富基金 (2800)月供年期: 2017至現在, 每月3千股數: 3903股平均價: 27.55比亞迪 (1211)月供年期: 2018至2020年12月為最後一個月, 每月1千股數: 575股平均價: 51.21) 由於1211股價升了太多, 2021年先暫停月供. 請問這決定正確嗎? 另外, 請問我應該先賣出1211套出現金賺取實際金錢嗎?2) 另外, 也剛設定了2021年1月起, 月供0027- 原因係期待經驗/旅遊業復甦 及2318  各1000蚊. 這樣好嗎?3) 然後, 可以如何更進一步？4) 最後, 想開始研究美股, 有無咩書推介?多謝解答!龔成老師：1）你30歲，財富仍有增長的能力，你應該著重增長，收息部分不用太多。所以，你應該繼續持有比亞迪（1211），等你組合有增長力。但就暫時停供。2）可以，這些都是有質素的股票。可進行月供。3）如果你想組合有較高增長力，可考慮月供安碩恒生科技（3067）$1000。這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。4）其實好簡單，你只需要投資追美股的指數基金，例如追標普500的ETF（VOO）就得。月供或分注投資都可以。------------------------------------------------Q19424：龔成老師你好，我係股票新手，今年先接觸股票，一開始心急想贏錢，而最初投資在小米都有賺小小但之後買什麼都輸錢，現有700$590一手同9618$340三手都坐緊艇，最近睇好175同6110亦有興趣係1183澳能同1351輝煌明天，想問應如何選擇好，謝謝意見龔成老師︰首先我想你明白一點，我地投資股票，係希望買入一些優質企業，透過佢自然增長，達至財富增值目的。你要建立一個「組合」，要長期，重配置及優質，心態上不要短線賺差價。所以，重點我地會放係「質素」上。只要持有股票係有質素，中短期波動唔需要太在意。騰訊（0700）和京東（9618）都有質素，只是你買入價略貴，現時你可以守住先。吉利（0175）有質素，現價在合理區，可分注慢慢入貨。澳能建設（1183），佢係澳門一家綜合型建築工程承建商及變電站建造商，主要提供以下三項工程服務：（１）鋼結構工程、土木工程建設與裝修及翻新工程（２）高壓變電站建設及其系統安裝工程（３）設施管理、改造及維修工程及服務。睇翻佢過往的業務，都算穩定，但澳門市場細，增長力有限，投資價值不算高。另外，佢成交少，會令流通性減低，風險會增加，此股不宜投資太大比重。滔搏（6110）和輝煌明天（1351）都有值得投資架地方，但由於佢地上市不久，分析與估值上較為困難，暫時只宜小注。------------------------------------------------Q19425：老師你好, 我係你初班學生, 因為上堂太多野要學, 唔夠時間請教你, 請你指點我組合入面睇下需唔需要執執位11，有1500股，平均價168.4，月供6060，有4500股，平均價43.43788，有160000股，平均價1.49945，有1141股，平均價12852，有6000股，平均價20.831928，有12720股，平均價329988，有1000股，平均價191778，有23000股，平均價7.983，有10500股，平均價13.31448，有10000股，平均價7.511177，有10000股小弟之前已經不斷拜讀你的作品，跟你學價值投資法。而家40歲，月入$150000，扣除所有開支後全部儲起買優質股將來退休用。多謝老師指教11, 52, 945 都係每個月供$2500龔成老師︰以你年紀計，其實財富仍有增長力。你現時月供和持股基本上都可以，有質素和增長力。基本上無乜問題，大致適合你。但留意眾安（6060）這類股，潛力與風險同在，因為多年都在燒銀紙，就算近年才初見盈利。但都仍未能確定長線情況，這類股要估值較難。因此，不宜佔組合太多。置富（0778）增長力唔高，主要收息用，唔建議加注。恆生（0011）、煤氣（0003）、大快活（0052）增長力不算強，要睇下你自己想的投資目標。其實你現時月供這3隻從質素上都可以。但每供金額相對你收入，明顯太少，建議你考慮將每月閒錢，都用作財富增值，咁會較好。策略上，你每月儲到的錢，用5成去做月供。其餘先儲起，用一邊月供一邊儲蓄的策略。月供方面，除了你個3隻外，可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或潛力股︰比亞迪（1211），中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。------------------------------------------------Q19426：老師您好，想問一下， 我月入4萬，啱啱用曬所有錢，放曬d 股票買入左一個300萬上車盤放租，唔計收租，要供樓1萬2千一個月，家用10萬自己用5千，想問如果想用1年左右時間，有返40萬，投資組合應該如何，啱啱開始睇股票勝經～希望可以學識小小龔成老師︰1年係一個好短架時間，就算再優質股票，都會有機會出現波動。唔建議你用1年，作為目標。若你係年輕至中年人士，可用「平穩增值股」+「潛力股」作一個財值平台。用每月儲到5成的資金做月供，其餘5成就先儲起，用一邊月供一邊儲蓄的策略。平穩增值股：盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）餘下一半資金，就等大跌市機會，才入貨。目標係月供最少3年，並持有5年，咁個效果會較明顯。你最重要是盡力加大儲蓄，等你有一定的本金去滾存。同時適當運用投資，但記得唔好心急。------------------------------------------------Q19427：你好阿Sir,有問題關於買樓的想詢問下你。本人和先生八十後，想買層細價樓收租，但我現在人工低，大概16k，只可借大概160萬，即係要俾現金百幾萬，只可買到一層細價樓，價錢3百萬頭，先生借錢的quota用在自主物業上。你覺得這個投資計劃值得嗎？龔成老師︰買入細價樓，再用以租養樓架方法去增值，係可以。但要留意，若果你們本身無其他資產（例如股票），咁成個資產組合就會偏晒去物業個邊，唔係咁理想。雖然細價樓都係一個好資產，但最理想係買入收租之後，依然持有一定的優質股和現金，去進行財富增值。如果你實行此計劃，會令資金用盡，咁我會建議你先用優質股增值，咁會較好。等你有足夠的資金，建立更為平衡的組合，到時先行這一步，會較好。------------------------------------------------Q19428：龔sir，你好，想問下你對2212（高鵬礦業）有無研究？因為最近聽左人講買左1,200,000股，買入價0.059，不過最近見到跌左落0.036價位，我又唔肯呢隻股有無質素定係咪老千股所以我煩緊應該持有定放左佢好，定再睇定先，所以想問下龔sir你意見，thanks！龔成老師︰高鵬礦業（2212）從事挖掘及銷售大理石坯料；生產並銷售大理石相關產品和礦石商品貿易。此股規模好細，營業額唔多之餘，仲好唔穏定。過去幾年一直處於虧損狀態，唔見有投資價值。我建議你盡快沽出此股，換碼至其他優質股會更好。------------------------------------------------Q19429：龔成老師你好，我今年29歲，2019年尾買左樓，685萬，月供19000，現時月薪平均4萬左右.存款不多只有10萬，現想月供股票1萬，想請教龔sir ，可以投資組合應該係邊幾個？感謝龔成老師︰係投資增值策略上會用「先增值，後現金流」方法，初期投資較有潛力股票，去做財富增值。到一定金額後，可轉較平穩增值的股票。最後有相當財富時，才換成收息股去為自已創造穏定現金流。以你現時人生階段計，應以增值作為重點。你先用每月5成儲到的錢做月供，其餘先儲起，用一邊月供一邊儲蓄的策略。選股上，你可以投資在平穏增長股︰盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、長建（1038）、長建（1038）、粵海（0270）、領展（0823）、或潛力股︰中生（1177）、福壽園（1448）、恒生科技（3067）、港交所（0388）、阿里（9988）、騰訊（0700）。現時大市只是合理區，你現有10萬資金可以先投入一半，用分注形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。------------------------------------------------Q19430：阿sir, 我想三年內買樓，依家有三十五萬，每月有7千元可投資，想增值至五十五萬，有乜投資方案？龔成老師︰要做到你這個目標，投資上要較進取。你可以平穏增長股 + 潛力股作平台，潛力股佔5成。當然，你自己都要衡量風險是否適合自己。你先用每月5成儲到的錢做月供，其餘先儲起，用一邊月供一邊儲蓄的策略。平穏增長股︰盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、長建（1038）、長建（1038）、領展（0823）、希慎（0014）、太古地產（1972）或潛力股︰中生（1177）、福壽園（1448）、恒生科技（3067）、港交所（0388）、小米（1810）、阿里（9988）、騰訊（0700）。大市現在是合理區，35萬資金可以先投入一半，用分注形式，慢慢買貨。餘下一半和每月儲蓄，就等大跌市才大掃貨。但3年唔係一個長時間，較大機會出現波動，影響最終回報。特別係你組合中潛力股佔唔少，佢地增長潛力雖然強，同時間不確定性也較高，你要明白有這個風險。------------------------------------------------Q19431：龔sir 你好，我父母剛退休有100萬退休金，想問如何幫他們增值財富及退休後有固定收入？如果月供收息股呢個方法可行嗎？謝謝老師龔成老師︰月供收息股可以，但其實你可以將這筆$100萬退休金，分成5部分。這樣會更平衡。第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息。另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。（你可睇下《50穩健收息股》當中仲有好多）。你平衡的投資這些股，除了可以得到穩健的收息收，同時可有效的分散風險。第二，投資債券，你可以選擇A評級的債券，年期較長都可以，但利息卻不高。你可以到銀行問問。第三，投資年金，你可以睇睇，這是適合你們的產品，零風險，可以有穩定回報。第四，你亦可投資銀行低風險類的產品，你可自行到銀行了解下，總之是「低風險，持續現金流」的。第五，持有現金，以備不時之需。同時，若投資市場大跌，你也可以考慮買到更多的收息股，因股息率會進一步上升。你可以將這$100萬，平衡地分配到這些項目，咁會成個收息組合較平衡。------------------------------------------------Q19432：我睇你既書見到有介紹 ASM半導體，覺得行業發展唔錯，想入少少。但呢隻股已經升左好多，要大概幾錢先算平呢？謝謝你！龔成老師︰ASM PACIFIC（0522）有質素的。佢業務為設計、製造及銷售半導體工業所用之器材、工具及物料，以及表面貼裝技術配置機。於湯森路透的報告中，ASM被選為全球百大科技領導企業之一。這企業有一定的實力，而且增長力不錯，財務數據正面，行業前景正面，因此有投資價值。不過，從過往的數據可見，業務都有略為波動的情況，始終這類科技行業的變化較大，存有不確定性，你要留意這點。估值方面，現價算是合理區頂部。由於這企業規模已經龐大，你預佢比較難有高速增長。而且業務都有波動，不宜大注。------------------------------------------------Q19433：龔老師，您好，多謝一路以來無私分享投資心得及睇法，使小弟獲益良多。在此求賜教如何可以不打屋企人主意而又能買多層私樓或增加現金流呢？小弟40歲，固定收入$40000。要供養岳父岳母（未滿60歲）及失業2個月的妻子預計一日未生到仔，岳母都反對妻子工作，暫無子女，扣除保險和開支，家庭月儲$9000。資產及投資組合如下：1. 一層自住現契樓，估值$1000萬，妻子名。2. 日本現契樓，估值$175萬，租金淨收入$5000/月3. 自己個名綁死左喺老豆供完的自住養老公屋，未補地價估值$198萬，兩老不想轉名或用自己名再上車4. 光大 持股數 180005. 中建材 持股數 10000（4.+5.約值$40萬）6. Tesla $650買入$35萬持貨7. 現金約$300萬謝謝老師花時間閱讀和分析小弟的情況，懇求指教下一步該如何部署。一個摃四個的窮忙中老上龔成老師︰你可以利用現有300萬，先用優質股增值，再去買物業。但由於你要供養不少家人，故應先扣起一筆等同半年開支的資金，以備不時之需。策略上，你可以投資平穏增長股 和 潛力股。你先用每月5成儲到的錢做月供，其餘先儲起，用一邊月供一邊儲蓄的策略。選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。現時大市只是合理區，你現有300萬資金（扣除應金錢後）可以先投入一半，用分注形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨。到你財富累積到一定數量，或者有明顯入市機會出現，咁就可以去買新物業。若你目標私樓係較大較貴，可先買細價樓作踏腳石，再上目標私樓。（我新書5年買樓4部曲中，會有較詳細解釋如何操作。）另外，你持有的中國建材（3323）賺錢能力不算好強，長線投資都可以，但就未必值得投入太多金額。建議你沽出部份，換碼至以上股票。------------------------------------------------Q19434：龔sir你好，我係一個啱啱fresh grad既女仔，全職月入1萬5，4千比家用，2千儲蓄保險，持有有25股約1千蚊滙豐，因為新手入場唔夠膽放太多，我都好想擁有人生第一個一百萬想問下意見其實應該幾多年達到呢個目標，而我呢個情況又可以有啲點樣計劃，分配去達成目標呢？你既回覆會好幫助到我，因為覺得自己有啲亂而家既狀況。感謝龔成老師︰當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。你現時的年齡，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。保險只係理財中防守部份，買足夠保障就可以，增值可以留比優質資產（如優質股、物業等）去做。現你持有匯控（0005），主要用來收息，增長力好弱，唔適合你。現貨可持有，但唔好再入新貨了。策略上，你可以投資平穏增長股 和 潛力股。你先用每月5成儲到的錢做月供，其餘先儲起，用一邊月供一邊儲蓄的策略。選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。餘下的另一半現金，我地就等機會，當大市出現較大回調，就加大力度掃貨，然後作長線投資。假設你能抽一半人工（每月$7500）去做投資，以恆指過去年平均回報10%計（連股息再投資），8年後大約會增值到100萬。你可以以此作參考，去定儲蓄目標。------------------------------------------------Q19435：龔sir您好，我幫仔仔（14歲）供咗10年基金，現在已經供曬（20萬），但蝕錢現在準備想攞啲錢出來重新幫仔仔投資，比錢係留比佢成年後自己用您覺得應該買邊隻股票收息好些、穩定些啊？可否比些意見？唔該龔Sir龔成老師︰由於你仔仔很年輕，距離佢成年或動用這筆金，相信尚有一段時間。投資策略上，建議放係增長部份，而唔係做收息。你可以投資「平穩增值股」+「潛力股」。平穩增值股：盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），風險會較高，你要自己平衡。大市現時位於合理區，這20萬資金可先投入一半，用分注慢慢入貨。餘下一半，就等大市出現一定程度的下跌，才大力度掃貨。------------------------------------------------Q19436：老師 你好！之前賣左部分匯豐加本身用黎投資股票既錢 而家大概有30萬左右 另有備用現金 呢30萬預左投資股票想買d收息股同有長遠增長既股票比爸媽幾年後退休慢慢使已持有 煤氣 港鐵 匯豐心水 盈富 中石化 領展 港燈 中電如果作長遠投資係咪可現在入貨現價大概盈富 26中石化 3.4領展 68港燈 7.7中電 72龔成老師︰這些股票都可以，盈富（2800）、中石化（0386）和中電（0002）都在合理區，可分注。但中石化始終較波動，作為收息股算係中等，唔好持有太多。匯控（0005）質素上弱左，收息係可以，但同樣不宜持有太多。而領展（0823）和港燈（2638）等佢地回到4.5%和5%股息率才入貨，咁會較好。到你父母退休前1年左右，就將平穏增長股（煤氣、港鐵、盈富、中電、領展）減磅，慢慢轉成收息股。以下都係合適選項，供你參考。目標5-6%收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548）但留意，現時大市只在合理區，資金唔好盡用。最好留有部份，等大跌市出現時，可以用來掃貨。------------------------------------------------Q19437：請問855和6136 可以入貨嗎龔成老師︰中國水務（0855）本質正面的，業務發展不差，生意保持理想增長，不過，負債是佢最大的問題，這令佢的風險度增加。當經濟轉弱時，佢這類負債較高的企業，要面對的不確定性就會更高。這股可以長線，但注碼不建議太大，同時你要明白佢股價仍會波動。現價合理，可分注入貨。康達環保（6136）是一間在中國設計、建設及運營污水處理設施的民營企業。企業賺錢能力唔算好強，而且負債比較重，這個係要扣分架地方。整體而言，此股質素只是一般。現價合理，但最多小注好了。------------------------------------------------Q19438：老師你好，我現時有了小朋友，每個月只有2-3千月存起，請問2-3千買月供股票揀邊隻好，或者係有冇其他方法，謝謝龔成老師︰你資金唔多，但又想保持增值的話，你可以供盈富（2800）。盈富（2800）是包括52間質素不錯上市公司股票的組合，由於包括了一籃子不同行業的股票，有助你分散風險。現時可每月用$2000做月供，餘下$1000就等機會，當有較大跌市，才用來入貨。------------------------------------------------Q19439：老師你好！ 今年30歲了，想開始月供股票。人工大約$45000，扣除家用基本開支都有大約$28000剩。人工基本上本年會按通脹升，十分穩定。現時儲蓄大約50萬，想20年後每月有3萬息達到財務自由。1. 老師，你會建議我用約多錢去月供股票呀？2. 我見你都有介紹唔同值得月供既股票，例如2800、3067、388、1177等。你認為我應該點樣分配我月供股票組合呀？3. 你會建議月供或1手1手咁買呀？4. 所有股票依家都好似好貴咁，有邊隻潛力股/質素股現時值得買入呀謝謝！龔成老師︰1） 你現時是財富增值的黃金時期，如果係閒錢，都用來投資會較好。2） 你這個年齡，可以投資一些「平穩增值股」+「潛力股」。除了你講4隻，以下的都適合。你可以因應自己認識程度，或投資取態去決定供邊隻。平穩增值股：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）。潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。現時大市處合理區，你可以先用每月儲倒的一半資金做月供。而50萬現金，同樣可先用一半，分主咁慢慢入貨。餘下一半和每月剩底資金就先儲起，等大跌市時才出手。3） 2者都可以，但月供相對會易些操作，較為適合初學者。 4） 阿里（9988）、舜宇光學（2382）、中生（1177）算係合理區頂部，可分注，但由於唔係平，故要控制注碼。要每月有3萬蚊現金流，以股息率5%計，你需要本金720萬。若你每月投入$28000 + 本金50萬，再以恆指年均回報率10%（連股息再投資）計，相信15年內已可達成目標。------------------------------------------------Q19440：龔Sir你好，今年年中開始一直關注您的著作，希望理財及致富方面有所得著，十分認同你的長線價值投資理論，亦打算正式開始左來年1月以月供股票形式長線投資潛力股!我今年23歲，剛出社會工作，月薪只有約17,000（預期年升幅約15-20%） 每月減去必要性開資及家月後剩餘現金只有約9,000打算使用當中一半資金進行月供股票，在分析過自己的年齡及風險承受程度後認為凡應該投資落潛力股到。選單如下: @9988 $2000@1810 $1500@1211/175 $1500其實我自己十分認同你分析1211的未來擁有極大增值空間及中國未來電動車市場發展可期但可惜的是在接觸你之前1211已經做了倍升股,想問現價開始月供會否十分不智!但如股價一直不回落真的好像沒有入埸機會。如果1211真的不適合月供,想問175會是不曾的月供代替選擇嗎?真的很想在中國電動車市埸這版塊提早佈局,唔想再錯失倍升股的機會了請問老師覺得我個月供組合有無問題呢,謝謝!另外留意到老師你亦有推介3067月供作長線投資,不過我無論係銀行/證卷行的選股單中都無呢隻股票可以選擇,同類形揀番3033 ok嗎? 可以用佢換小米嗎（因為小米都炒高左）龔成老師︰比亞迪（1211）現價已係貴，要回到$120才可月供，如果真的好想入，就等回翻D，小小注去月供。吉利（0175）都有質素，但未來新能車發展，始終都係比亞迪最好。組合上，你太集中潛力股。雖然你年青，但全部都放晒係潛力股，會令個組合太波動，唔係咁理想。你可以考慮$2000供盈富（2800）、$1500阿里（9988）和$1000小米（1810），咁會平衡些。餘下$4500儲蓄，就等大跌市時，才入市掃貨。如無安碩恒生科技（3067）月供，可考慮用華夏恒生科技（3088）代替，又或一手手去入，手場費低。如果你用佢代替小米係可以，佢係一籃子科技股，可以更有較分散風險。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 2

3323可以入龔成 在Facebook 的評價

Accepted Answer

【龔成問答信箱】（Q15581-Q15600）Q15581：你好，我成日都有留意你FB出的post。我都有以下問題想問請教你，我應該怎樣做比較好。1.我26歲，月入18k，一個月大約可以儲9k-10k，手頭上現金有35萬左右，我冇買股票。我問題就係，我好想學識如何買股票，好想學識投資，我應該如何由零開始？知道你多PM，慢慢回覆，希望你可以解答到我，等我知道可以點樣做，點樣學識，thank you龔成老師︰作為一個初學者，你建議你先做三樣野︰第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。第二，了解銀行及證券行，去開一個證券戶口，並準備做月供股票。其實兩者都可以，銀行就較方便，但手續費就較貴，證券行收費就較平。你可以先了解下不同的收費。第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。原理如同儲錢，不過就不是儲現金，而是儲股票。計劃要長期進行。盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。------------------------------------------------Q15582：成哥，想問1530係咪變左質？跌甘多龔成老師：三生製藥（1530）與其話質素變左，不過話回歸合理區。其實過往一年，佢升得過多，現時只是回到一年前的股價水平，市場對佢增長有太大期望，之前估值高，其實佢生意都有增長的，不過盈利就出理了下跌情況，反映賺錢能力弱左。整體來說，仍是有質素的，不過增長力就比過往減少左。------------------------------------------------Q15583：請問如何計算股價的合理水平及平宜位，823現在是合理水平還是平？龔成老師：首先你要明白，「價格」與「價值」是不同的兩回事，價格是每天波動的股價，這只是一個成交價，而價值則是企業的價值，由於計算企業價值，要花較長時間去解釋，就算是我的股票班，都要花5小時去講述，所以好難在這裡三言兩語講到。簡單來講，企業價值由資產價值及業務價值組成，我地會分析企業的生意、盈利、賺錢能力、前景、資產負債等，從而計算出企業的價值。領展（0823）之前處略貴水平，我之前出的《50股》有講述，這股要去到4%以上的股息率，先算有基本的吸引力。現時股價大約算是合理，分注投資都可以。------------------------------------------------Q15584：老師，我想請教下 我預備入150萬-200萬股票  現在已經入了100萬貨 50% 都是Retis   領展 平均76入   還有批20蚊 載通    新創建未有起色創了新低 但剛剛業績還算可以. 載通同 新創建是我最擔心的！請問我剩下的資金應該在何時再入？還有領展 新創建 以及  載通是否值得再加瑪 去持有龔成老師：你要建立一個「組合」，唔好比過往的股價影響。你試下寫上每一隻股的持股比例，如果已去到15%的，就唔好再加，如果同一行業去到30%，就唔好再加。房託已去到50%，這明顯是不利水平。其實我股票班都有講，我地唔係賭某一個行業，而是建立一個平衡風險的組合。另外，我相信你太集中在香港相關股票，同樣有風險。領展（0823）本質無問題，但你集中則有問題。載通（0062）這企業，無成本轉嫁能力，質素只是等，唔應該持有太多。新創建集團（0659）質素不差，但亦不能稱好強，相信中短期會弱，不過長期可以，但這股唔太建議持有過多，始終增長力不算強。反而你應留現金，等跌先加入貨，同時最好入不同的類別。買入時唔好急，要慢慢入。------------------------------------------------Q15585：老師，想問煤氣之前一直十送一，搞到佢股數增加，其實佢派息咪派多左，上次聽個朋友講話佢派息比率其實已經超過7成，再十送一落去，個派息比率未會一直增加，最後會唔會變到有咩問題?龔成老師：佢每年都保持相同的每股派息，但就因10送1而股數增加，因此，以企業的角度，佢每年派出的股息正不斷增加。如果佢每年生意增加，盈利增加，就能保持派息，但這不一定必然發生的。佢過往都試過停左幾年10送1，因為這是自由做的，因此，若將來的生意無法每年增加10%以上，佢有可能停一停這政策的。------------------------------------------------Q15586：老師  我留意左你既網頁已經有好長時間  無論你教人做人同教人投資你都好正面  但生活係香港要日日都正面其實係好難   因物價太貴  樓價又貴  正常一個打工仔依本好辛苦去維持一個家庭既運作我今年28歲仔   一路做緊厨房  之前膽操操走去考政府   但成績差被踢走  其實我點解想做政府工呢因為我貪佢年年加薪跟通脹够穩定吾會炒人  所以被踢之後我都好吾開心但直到留意左股票之後我開始冇甘吾開心  因為如果我正常返工慢慢儲優質股   其實20年後我可以剩係收息都可以吾洗返工但始終被踢後都有d吾開心  老師有冇d意見俾到我？同埋我依家有150萬我諗住分注入2800  3  12  66    27  1211小注  因將150萬全部分注入？定還是別外入小小收息股？龔成老師：每個人都有佢的強項，如果要李嘉誠去做運動員，佢未必有太大的成就，所以，如果當李生有一日去見一份做運動員的工，呢個反而是好事，因為社會會自然去調節佢到一個合適的地方。呢個反映該工做唔適合你，你可以再思考下，自己的強項興趣，那份工值得你長期的發展？現時的工好嗎？其實你可以再試。係尋找自己的發展時，中間的失敗是好正常，如果你因為「正常經歷」就唔開心，就有D唔值得。你再想想自己的發展，現時的工作？還是仲有出路？當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。你現時的$150萬，已可以動用$80萬，分注投資，上述的股票都是可以的，只要不用盡現金就得。------------------------------------------------Q15587：老師，我依家有貨如下： 345x 4000 股，29 蚊836 x 8000 股， 9.73蚊9988 x 800 股， 200.6 蚊1810 小米 x 17600 股， 8.9 蚊3690美團 x 300 股 x 113 蚊南方7500 x 4000 股 x 6.8. 1787 x 2500 股 x 16.4. 1044x 62.4 x 1000 股2318 x 1500 股 x 89.5 有現金 50 萬剛剛問銀行借了 80 萬，年息2.1 釐。 我應該慢慢繼續入手上的股票，還是一些跌下來的強勢股， 我考慮的如下： 881， 3323， 285，981， 586，868，6865， 2331。龔成老師：基本上，上述持有的都是有質素的股票，都可以長線持有。山東黃金（1787）唔建議持有太多，近期黃金升令佢都有所上升，但無人知黃金會唔會回落翻，所以要小心。另外，你持有唔少新經濟股，這些股有潛力，但都唔能佔比太多，你要注意翻。由於你不少與國內有關的股票，反而建議你留意下其他類別的股，例如盈富（2800）、恆基（0012）。雖然比亞迪電子（0285）、海螺創業（0586）、信義玻璃（0868）都可考慮，但我擔心你太多與國內業務有關的企業。另外，現時大市處合理區，可以一邊投資一邊留現金，而餘下現金的運用，就是等大跌市時出手。------------------------------------------------Q15588：老師你好，我都投資一段時間，另外除左兼職，都希望建立網上生意，開立網店，但係唔太成功，無客流量，唔知老師你呢方面會唔會都可以指點下？利用fb或ig廣告可行嗎？另外，目前如果持有大約11萬現金，4萬幾股票，包括2800，1810，呢個時候我應該主力增加呢兩項股票嘅持股量，還是增持其他優質股，有咩疫症後增長及恢復力較強嘅股票值得留意？謝謝龔成老師：網上生意比過往難左，你一定要找到一個獨特的宣傳方法，要有自己的特點，否則好難搞。fb或ig廣告可行，但要投入的資金會比你預期的多，因為現時好多人咁樣做，所以fb都特登收到好貴。所以，你最好從自己的創意、獨特性著手，你要尋找一個目標群組，然後習中資源及宣傳對佢地。盈富（2800）、小米（1810）可長線持有，如果有現金加注，建議先加在盈富及其他股上。疫症後地產及零售的反彈會最強。從穩陣角度，你都可考慮：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。------------------------------------------------Q15589：老師想請教下，我手上有1手領展(平均價係91蚊)如果現價7X買多1手你覺得ok嗎？現在我有月供股票，每月分配如下:盈富4000港鐵1000領展1000煤氣1000我是全職主婦44歲，有1女3歲，你覺得這個分配ok 嗎？龔成老師：由於你現時已供緊，你最好計計合共的比例，不過你現時供的金額不算多，我相信無問題。你可以計下，如果你領展（0823）佔你股票組合的比例不太多，現價加注可以。上述的組合，都是有質素的股票，長期月供無問題。都是適合你年齡的。另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q15590：龔sir,,,小妹今年40歲,,從未投資過股票,,對它更是全無認識,,想請教下你D專業意見,,麻煩哂..我現有大約170萬現金,,投資組合如下...25萬港鐵,,,15萬恆基,,,15萬港燈,,15萬香港電訊,,10萬領展,,10萬盈富,,全部分3次買,,,每兩個月一次,,請問這可以嗎??或sir請問你有無更好既見議?祝身體健康,,麻煩哂龔成老師：由於你未有投資經驗，我會建議你減少金額，唔好太急。你可以考慮投資$70萬先：盈富（2800）$20萬、恆基（0012）、港鐵（0066）、港燈（2638）、香港電訊（6823）、領展（0823）各$10萬。你可以用分注模式去入，即是每隔3個月入一次，可以分2或3次進行。我希望你先提高知識，以及有一定的投資經驗，之後才慢慢動用更多資金。以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q15591：龔成老師，我請教下一啲短期投資策略我想呢一兩年買樓，首期雜費預60-70萬想睇下點樣可以增值下每月嘅儲蓄，因為好多投資都蝕咗錢買開港股美股我嘅背景資料：27歲，月入$42000，月儲$26000-$30000，儲蓄26萬想盡快買到樓！謝謝龔成老師：由於1、2年時間只是一個較中短期的時間，而投資股票要較長期先可以增值，所以，要小心當中的策略。因為投資股票就是投資企業，優質企業增長需時，而中短期股市則受市場情緒及資金流向等因素影響，你根本唔會知到買樓一刻的市況。所以，如果你打算短期內買樓，就較難利用股票作有效增值，因為你這樣會面對較大的風險。所以，你這刻應該集中儲現金，如果投資，也只能小部分，同時要投資較穩健的類別，以及收息股，例如盈富（2800）加上港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。------------------------------------------------Q15592：龔成老師您好，我和女友月入各2萬多，現時28歲。我們有儲現金習慣及買儲蓄保險。我們計劃2年內結婚，現時合共有35萬現金。現時我們每月堅持各儲$5000，我另私下每月買$3500的儲蓄保險。下月開始打算每月再各儲$5000，以這1萬元作月供股票。有四條問題想請教：1）結婚估計需洗費約15萬，現時35萬已非常足夠，還有必要每月儲1萬到這筆費用？2）除結婚外，我們也想儲定首期，以5年一百萬為目標，可以如何善用現時的35萬？扣除結婚預計費用後，我們應如何善用餘額作投資？3）是否應該集中火力把下月額外各儲$5000，連同原先各儲$5000，合共2萬全放在月供股票上？還是分注買其他投資產品？4）應否繼續月供儲蓄保險？它最低派息為每年3%，預計到2037供滿。供滿10年退保價值才等於供保價值，保單費用可減可停，是否繼續每月供$3500？等待您嘅回覆，非常感謝您！龔成老師：1）如果已計算好結婚所需的資金，而你這刻股票不少，你可以用這$10000去做月供股票，投資優質股，長線進行。你可以考慮盈富及其他優質股，建立一個平衡的組合。2）由於現時大市只處合理區，建議你這刻先做好月供股票$10000，餘下的現金，最多只能投資$5萬投資盈富（2800），餘下就要持有現金，等機會。3）你可以集中做月供股票，但現時每月供$1萬已夠，如果見到現金較多，可以等大市下跌時以一手手的模式去入。4）這類產品雖然有佢的作用，但唔建議佔比太多，暫時睇，你都算比例可以的，可繼續。------------------------------------------------Q15593：成哥你好,本人是你的fans想請問成哥對領展,匯豐同盈富基金三隻股票現在價位點睇？本人覺得三隻都好抵買,購買目的係長線投資儲股收息作退休用。謝謝回答龔成老師：未算平宜，只是合理，你唔可以單單分析過往跌了多少就推算，要以企業價值分析。盈富（2800）合理，分注無問題。領展（0823）有質素，但之前貴，所以近期回落只是合理。匯豐（0005）由於賺錢能力減弱，加上增長力不強，因此估值都要有質調低。這股只是收息股，現價合理，但你唔好預佢股價有上升力，如果你投資的目的是收息，這股可以投資。這些股你可以入，但不是太大手，你可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q15594：老師你好，想請教你：本人25歲，月入35K，家用9K，每月剩1.5-2萬。每年旅行4-5次，我估約5萬，都鍾意買野，有點大駛。有50萬儲蓄，其中17萬注資家人公司，每年2萬回報，其餘30零萬現金。除此之外，零投資知識，想開始月供股，每月約5-6k，暫時見你推介盈富、港鐵。以我年紀，應再加股票還是供呢兩隻就ok？謝謝你。再問一句，手上的現金其實想用部分投資，但沒有知識下投資是否太冒險？如果投資拿多少比較冒險？本人比較細膽，不敢拿太多投資。感謝回答！龔成老師：你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。第二，了解銀行及證券行，去開一個證券戶口，並準備做月供股票。其實兩者都可以，銀行就較方便，但手續費就較貴，證券行收費就較平。你可以先了解下不同的收費。第三，將每月的部分資金，去做月供股票，供盈富（2800）及其他優質股，共$10000一個月。對初階投資者來說，月供股票是一個很好的累積財富方法，因為可避免你一次過在高位買入的風險。加多少少其他優質股都得。原理如同儲錢，不過就不是儲現金，而是儲股票。計劃要長期進行。另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。當你在做上述三件事的同時，開始學下股票，了解下那些股票適合你自己。上述只同你簡單供盈富及優質股，當你過半年，有知識及少少經驗後，就可以利用你手上的資金，其中一部分，去投資股票。例如你可以考慮月供盈富（2800）$5000。另外再加2隻（每隻$2500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。------------------------------------------------Q15595：老師你好，我現在30歲，月入2萬5左右。2019年7月開始月供，每月1萬（12 $5000, 1109 $3000, 66 $1000, 2 $1000）請問這個組合可以嗎?  如果想加潛力股，可怎樣調整組合比例？另外 儲左筆資金想投資 想問下房托778，14，823 哪兩隻較好？同埋諗住買5G 股 788 ，6869  可以嗎？謝謝！龔成老師︰我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。以你年紀計，應以增值為主。我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。以你年紀計，應以增值為主。你現有月供組合有個大問題，就係非常過度集中在地產股上。我建議你減少地產股比例，將佢轉落盈富基金（2800），會令你組合平衡些。置富（0778）是收息型，唔適合你年紀。而希慎（0014）和領展（0823），後者會較優質，但最少要4%才有投資價值。中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。佢現時的收入正不斷增長，盈利都保持向上，但股本回報率不高，是這股較弱的地方。由於這股有發展力，如你有貨，可長線。股價由高位回落不少，之前貴，這刻算是處合理區中上部。如這刻買入，分注投資可以。長飛光纖光纜（6869）有質素的，因為全球光纖光纜市場，仍會保持向上，智能手機、互聯網、大數據等科技，成為了行業的推動力。長飛光纖之前受惠三家國有電訊營運商發展網絡基礎，所以生意不錯，但這亦令這公司出現風險。之前中移動的中標結果，佢排名唔算前，這反映市場競爭有所加劇，佢的賺錢能力有可能略有減弱。整體上，佢仍有質素，但增長與賺錢能力就有可能略略減，投資價值仍在，但這刻只是合理區較低位置，你可以投資，但由於未到平宜區，故只能分注，不要大手。------------------------------------------------Q15596：Sir, 我已經設定左3月開始月供股票 $16000，2800 $4000，3140 $4000（分注買入），0066 $2000，0823 $2000，0012 $2000，2388 $2000。另外，原有120萬現金，準備以下安排。$40萬按揭息戶口（收2.15%）$10萬後備存款$40萬收息股 （等待分段入市）$20萬增長股（等待分段入市）$10萬潛力股（等待分段入市）1. 以上這個比例安排合適嗎？2. 如果想定目標高的，7年時間有可能滾存到$1000萬？謝謝龔成老師︰1） 月供組合方面，基本上無問題。領航標普五百（3140）如果你係自行買貨，記得都要變月供咁，定時定額買入。（如每個月1號，不理價位都入1手。）2） 120萬+月供$16000，要7年做到1000萬，要年回報達30%才可實現。我地投資係講係合理風險下，爭取最大回報，而回報率為10%至15%。合理d係10%年回報估算，7年大約升值至420萬。但在現有$1.2M資金運用策略上，你要作些調整。按揭息戶口（收2.15%）這回報率其實唔係咁理想，而你目標係增值，收息股同樣唔適合。你可以將這2部份資金，轉移至增長股和潛力股類，以下為些合適選擇︰平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（0823）、港交所（0388）、深高速（0548）潛力股︰比亞迪（1211）、中生（1177）或福壽園（1448）。------------------------------------------------Q15597：老師想請問你點睇1373國際家居零售呢隻股票，日本城已在香港建立多年，大眾都認識，留意到呢間公司自上市後都派息穩定，而且派息年年增加現在都有7厘以上，呢段疫情其間，我都有去日本城留意，發覺都有人流，都多人買野，而且售賣都係日常大眾必須用品我本身都想建立收息組合長渣，唔知呢間公司老師覺得如，我想襯呢排零售不景，股價下跌買來渣收息，請問老師覺得呢隻股票咩價位係便宜區呢？謝謝老師呢隻股票老師認為屬優質股嗎？龔成老師︰國際家居零售（1373）算是優質股，整個業務的發展模式不差，是穩健的股票類別。佢所賣的都是日常生活必需品，有一定抗跌力。不過，增長力不強，只能視為一般的平穩增長股，唔好對股價有太大的期望。如果你目標係收息，此股可以，現時已經有7%以上，已有長線投資價值，可以買入。現時市況波動，我相信分注投資會較好，同時唔好用盡現金。------------------------------------------------Q15598：你好呀sir🙏🏻依家我有大約十萬想放落股票到，呢排可能係少有會可以平買，所以我想問清楚再分配投資🙏🏻希望阿Sir得閒可以比下意見我:1.  0012恆基or 1038長江？2.  0014希慎or1972太古？3.  金沙35價位or銀娛49價位？4.  六福珠寶跌到合理區間底部可否俾一些建議。每年儲12萬，目標四年後一百萬？有留現金買潛力股龔成老師︰1） 以現價值博率計，2者相若。佢地分別主要在於業務性質，恆基（0012）是房地產股，而長建（1038）是香港具規模及多元化的上市基建公司，並在國際基建業穩據重要地位。核心業務包括：能源基建、交通基建、水處理基建、廢物管理及基建有關業務。 2） 論規模、長遠發展潛力等，會係太古地產（1972）較好，價格上2者都在合理區，太古會相對貴少少，因為質素上也比希慎高。3） 2者價格都在合理區，金沙（1928）會係平穏增長+派息，而銀娛（0027）會較高潛力。4） 對，此股正面，這股有質素，有增長力，現價已在合理區較底位置，有穩中求勝的作用，可以分注投資。要用4年間100萬這個目標有點高，我地一般要求合理回報係10-15%。以年回報10%計算，年儲$12萬和本金10萬，4年後會增值至70萬左右。但4年只係一個中短期時間，就算優質企業中短期都會出現波動，令你最終回報受影響。你年儲的12萬可以月供以下股票，如果你想增值快d，可以加大在潛力股中的月供比重。佢地回報會相對高d，但風險同樣較高，你要明白這點。平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（0823）、港交所（0388）潛力股︰比亞迪（1211）、中生（1177）或福壽園（1448）。------------------------------------------------Q15599：龔老師，您好！我的問題將會分為三個部分。一）我想知道以下的股票，分別在甚麼價位是「平宜」？不是合理區，我比較想了解它們的「平宜」價位，因為一直未到平宜，我都會儲資金，只集中投入在進入平宜價的股票，如等不到機會，則不會入市，只以月供股票形式投資某些企業。我想知道的股票如下：1 . 銀娛（0027）         平宜價：2. 金沙（1928）         平宜價：3. 恆基（0012）         平宜價：4. 中銀（2388）        平宜價：5. 煤氣（0003）        平宜價：6. 粵海（0270）        平宜價：7. 港交所（0388）     平宜價：8. 希慎（0014）         平宜價：9. 太古地產（1972）  平宜價：10. 福壽園（1448）    平宜價：11. 比亞迪（1211）      平宜價：12. 中生（1177）         平宜價：二）假設我將會把上述的股票持有至少10年以上，甚至一世持有，我現年22歲，以「盈富基金(2800)＋3平穩增長股＋2潛力股」為組合，用上述12隻股票為先，您會建議平穩增長股抽取哪3隻？潛力股又抽取哪2隻？從而建立一個比較平衡及穩健的股票組合？三）您平常經常提及到「現價處於合理區，可小注分注投資。」，請問「分注」是以甚麼為時間準則？例如：每特定period (3 months, 6 months etc)分注一次？還是當股價回落每x%就分注一次？所謂的「小注」，您一直是指以「一手」就是小注嗎？還是要按佔投資組合的資金比例去決定？謝謝龔sir。龔成老師：1）我答幾隻啦。金沙（1928）你預去到$30平宜，比亞迪（1211）去到$40以下，會初步平宜。福壽園（1448）$6以下先算理，而中生製藥（1177）$10以下先開始合理。至於其他，你預不少都要跌多15%-20%先平宜。2）你可以考慮盈富（2800）、銀娛（0027）、恆基（0012）。潛力方面可考慮比亞迪同中生製藥。3）分注的模式有好多，有時間平均法同價格平均法，要睇你自己的情況、資金、能力、市況，去決定點樣運用。例如時間平均法，就是每隔2、3個月，入一次貨，同時要有一定的現金做備用。至於小注，就是指佔你組合的比例不多，一般只會是幾個%。我相信，你有不少問題，都能透過「學習投資知識」去解決，而你得到知識後，長遠財富會明顯增加，同時是一生受用的，所以，好希望在股票班見到你！------------------------------------------------Q15600：龔sir你好，想請教1113係咪對比12，16無咁優質？現價約算平嗎？唔該龔成老師︰長實集團（1113）正面的，這股有質素，可投資，但佢近年投地的速度略有減慢，加上佢本身已較大隻，因此不能預期佢的增長力好勁，我相信是平穩增長型。香港樓長期向上，佢點都有得賺，只是賺多賺少的問題，你的買入價合理，可以長線投資，我沒有目標價，但這企業的價值能平穩向上，股價亦會因此保持增長。佢主要相對恆基（0012）和新地（0016）會稍遜色，因為成日講恆基（0012）佢是全港持有最多農地的發展商，長遠的價值一定會慢慢釋放，有潛力。而新地則有一定的規模及優勢，同時物業的品質不錯，不少人都喜歡新地樓的，可見其有較明顯品牌和質素上優勢 。----------------------------------------------多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 3

3323可以入龔成 在Facebook 的評價

Accepted Answer

【龔成問答信箱】（Q14761-Q14780）Q14761：龔成，因為你既關係我開始投資股票。我吾識股，只想月供好似儲錢咁儲。我抄底曬你講每隻股既初步便宜價，以下係你曾經講過的：銀娛 $40盈富 $24比亞迪$40平宜，35更安全不過，個市好波動，我調低左每隻股供既月供數，我係咪應該改供其他較平既股呢？龔成老師：首先，我計算企業價值的平貴，並不是預測股價會點走，而是以企業層面分析價值。我地就可以因應這些平貴作為指標，去作出投資決定。如果股價在平宜價，我地可以較大力少少入貨，如果在合理區，會以分注投資、月供等方法進行。現時上述的股票，都處合理區底至平宜區，因此，你唔需要改變你的投資策略，月供是長期的，保持進行就得，同時，唔建議轉來轉去。當然，你本身都要有一定的現金在手，大市好波動，要善用，把握機會。------------------------------------------------Q14762：龔成老師我是你的粉絲 一口氣買了老師多本著作但時間關係暫時未睇晒今次想再深入請教老師小弟31歲 太太29歲家庭月入9萬每月洗費約6萬每人各一香港物業本人剛開始供股現共三萬(一手 阿里巴巴 煤氣 地鐵 盈富每月各供$1000)太太股票約十萬(港交所及小米 恒指32000入還未返家鄉)現有現金100萬因每人已有物業所以不會再考慮物業故想加碼股票作收息之用請問我現在股票組合還有什麼改善地方應再加注其他股票嗎？應如何使用該100萬及如何分注？家庭洗費5萬謝謝龔成老師撥冗回覆龔成老師：你地現時持有，以及月供的股票，都是有質素的，可持有，就算部分未翻買入價，都無問題，有得守的。由於你地已持有2間物業，因此在之後的財富分配，應著重股票類別。你現時現金較多，以你地的年齡，仍是財富的增長期，可以將現金投入到股票，增加財富的增長力。平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。不過，以你地的年齡，我會建議較集中在平穩增長類。以現時的大市平貴水平，你可以動用$30萬-$50萬投資。分注進行，例如每阿隔2、3個月入一次，分幾次入。同時，你地可以月供股票，其實每月金額增至$10000-$15000都無問題，盈富及其他優質股就得。------------------------------------------------Q14763：丫sir ,如果有筆錢，創業好？定買樓好 我29歲  月薪2萬尾龔成老師：如果你本身有做生意的知識與經驗，又或已有一個不錯的創業計劃，又或現時已有一些小生意，想再投資搞大，我會建議你將資金用作創業。物業投資，能給你基本的回報及現金流，但創業，就可以爆得好勁，你在財富與事業上，都會有一定的提升。當然，這是有風險的，但你29歲，可以試，這是仍可以衝的年齡，但先要有好的創業計劃。------------------------------------------------Q14764：你好龔成老師，去年開始月供盈富基金、中生製藥及長江基建（共＄4000)，想於今年增加供款，你認為提高其中一隻的供款較理想？還是再月供多一隻有增長潛力的股票呢？如後者，你有何建議呢？謝謝龔成老師：首先，上述月供的，都是有質素的，保持長期進行就得。另外，如果想加金額，建議你加上原有的股票，因為本身中生製藥（1177）已經是潛力股，如果再加多另一隻潛力股，比例就會較多。所以，加大原有的金額，是較為平衡的做法，特別是先加大盈富（2800）。------------------------------------------------Q14765：老師，我想問你點睇中駿集團呢隻股票?龔成老師：中駿集團控股（1996）近年發展得唔錯。佢主要係中國從事物業開發、物業投資及物業管理服務等業務，集團在廈門、上海設立雙運營總部。佢近年的生意不斷增長，就以2018年來講，連同其合營公司及聯營公司共超過100個項目處於在售狀態，分布在31個城市，主要集中在二線及強三線城市。另外，佢負債比率不低，這是風險。簡單來講，業務不差，增長力強，但業務集中在二、三線城市，加上負債高，企業整體的風險較高，加上現價唔算特別平。這類股，如有貨可持有，但無貨想入，就只能小注。------------------------------------------------Q14766：老師你好，我想問2013 微盟集團是潛力股嗎，我見它財務在5年內也健康上升龔成老師：微盟集團（2013）集團主要在中國從事提供軟件即服務產品及營銷服務。佢的產品分為「商業雲」解決方案、「營銷雲」解決方案及「銷售雲」解決方案三類。「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平，所以，如果投資，這刻小注好了。------------------------------------------------Q14767：老師，我想問1728正通汽車可持有嗎？預揸半年同埋1622可買過嗎？龔成老師：正通汽車（1728）係汽車經銷商，亦提供汽車相關物流業務、潤滑油貿易業務，以及金融服務。佢銷售之汽車品牌包括寶馬、ＭＩＮＩ及奧迪等豪華品牌，此外，還包括日產、現代、本田及雪佛蘭等中檔市場汽車品牌。近年生意都有增長，但見盈利增長有減慢情況，同埋中期業務有所轉弱。而股本回報率處較低水平，同埋佢較受經濟週期影響，所以股價會較為波動。近期中國車市放緩、外來競爭、行業競爭加劇等不利的因素，都對整個汽車行業造成影響，相信中短期較一般，不過，股價唔貴是吸引力之一。半年只是一個中短期投資，不確定性會大。至於力高集團（1622），主要在中國從事物業開發、物業投資及項目管理業務、保健服務及買賣建築材料。主要包括泛海峽西岸經濟區、中西部地區、環渤海經濟區、珠江三角洲地區及其他地區。佢業務上落比較大，企業規模唔算大，質素算是中等。以現價計，投資值博率未算高。------------------------------------------------Q14768：呀sir請問你點睇必瘦？龔成老師：必瘦站（1830）有投資價值的，佢近年業務發展得唔錯。佢在大陸都有市場，生意增長明顯，而盈利亦保持向上，不過中間就有少少波動。相信長遠仍有增長力，現價都算合理的，但由於近年已升左唔少，最好分注投資較好。------------------------------------------------Q14769：老師小米 可長期持有嗎? 咩價位可以入呢 謝謝老師龔成老師：其實小米集團（1810）其實有增長力的，因為佢的產品的確受歡迎，同時處於增長狀態中。但估值是最大的問題，佢不斷在投資，同時無人知幾時先有較理想的現金流，大家都只是憑「將來價值」去推斷，因此股價一定好波動，市場估值經常處於不一的狀態。所以，你要預佢將來會向好，但未有確定時間，因此，就算現價比之前上左，只要分注，相信現價是無問題的，佢前景都算正面。------------------------------------------------Q14770：老師! 百威係咪有質素嘅股呀？唔該舜宇光學(2382)及高偉電子(1415)老師好少聽你講呢啲手機設備股， 請問你點睇佢哋龔成老師：百威亞大（1876）主要於亞太地區從事啤酒釀造及經銷，集團擁有知名啤酒品牌包括百威、時代、福佳等等，未來會主力在亞洲市場發展。此股有品牌和規模，有長遠投資價值。雖然現價比之前回落，但未算平，不過，都可以分注入。舜宇光學（2382）是優質股，有潛力，不過，股價唔平。高偉電子（1415）風險會比舜宇高，不過，都算是有點質素，如果投資注碼不多，都可考慮。------------------------------------------------Q14771：老師我有一個問題想請教。我和老師一樣老師是公屋出身，但大家都知道公屋有富戶政策限制入息和資產，亦即是資產累積到一定程度就必須遷出公屋。可否請教一下老師當年是怎麼做的？例如當股票市值累積到哪個數時就搬出去自住？或是有其他大家都明白的方法？龔成老師：當我去到一定的資產水平，有物業時，我當時已在公屋除名。我建議如果你到了這水平，也是這樣做。當然，坊間的人，除名後有不同的做法，有的搬出有自己的地方住，有的會留在公屋偷雞住，我並不是鼓勵你要留在公屋偷雞住，只想話比你聽，坊間有人咁樣做，至於多與少，我不知。------------------------------------------------Q14772：老師，我現在有這些股，我應該加注在現有的股票上還是再買另一些優質股比較好呢？通常一個組合裡要有多少隻股？龔成老師：通常一個成熟的組合（$100萬以上），可以有10隻-15隻股票，如果$100萬以下，5-10隻。其實無絕對的，如果你裡面有盈富（2800），隻數可以小D。另外，如果你本身投資實力較高，可以更集中投資。------------------------------------------------Q14773：請問1800，3323，2628，941 這幾隻質素如何？龔成老師：中國交通建設（1800）質雖然不差，但增長力較弱，只是收息，你預股價上得較慢，但這股並不是無質素，所以睇你投資目標，持有收息可以。中國建材（3323）本質都有質素，但不算強，這企業最大的問題是盈利不穩，主要由於成本問題令佢出現這情況，結果就是令股價不穩，投資者亦會視為有風險，因此這類股的估值不會太高。這股現時在合理價水平，但賺錢能力不算好強，長線投資都可以，但就未必值得投入太多金額。中人壽（2628）正面，但近年平安（2318）的質素比佢好。中移動（0941）有質素，但由於政策令賺錢能力無過往咁勁，你預收息及平穩增長。------------------------------------------------Q14774：老師，現時恒指升至2萬9千，咁盈富基金好似就有少少貴如果呢個時候月供緊6千（盈富，港鐵和恒基各2千），應唔應該減低月供金額先？定係每個月相同金額月供呢？龔成老師：恆指雖然比之前上升了不少，不過，這刻仍算是合理區內，加上你月供的，都是有質素的，我唔建議你減。月供是一個長線的投資策略，保持長期進行就得。不過，現時大市的確不能稱為平，你最好同時有一筆現金，作為等投資之用，這是較好的。------------------------------------------------Q14775：成哥，點解3333負債咁高又派咁高息既? 龔成老師：恆大（3333）的模式，就是利用極高槓杆，去投地、起樓、發展，只要樓市向好，佢就可以用好少的資本，去創造一個理想的回報，公司就會有可觀的利潤。當佢有利潤，大股東等人希望收息，又或佢想股東們都能得到理想的股息回報，佢就會將盈利作股息派出，令股東得到理想現金。不過，這動作會由於企業仍處較高負債，而提高了企業的風險。------------------------------------------------Q14776：我依家 22歲讀緊書，得2萬可以投資，你覺得5G股 投資 長飛，華虹同中芯邊隻更值得投資? 我曾經29蚊睇中平安醫生，10蚊睇中碧貴完，9蚊睇中比亞迪電子，但都錯過左，點先做到守呢一步?龔成老師：你22，是財富增值的黃金時期，要好好把握，盡你一切的力量去儲蓄、投資、學投資知識。你可能有選股的知識，但未有企業估值的知，你找到上述的股票，但不知幾時投資，這反映你未有捕捉大市冷熱、企業估值的能力。另外，我地進行理財，是一個財富配置的過程，這是分配，當中不一定能捉到低位，但如何用你手上「貶值的現金」，建立出一個「增值的組合」，就是你要做的，有時，股價就算不是最低位，只要合理價，你都可以買入，唔好嘗試捉最低位，反而建立一套有策略的投資模式陸，會更好。以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。------------------------------------------------Q14777：阿sir 你好 最近研究緊0855中國水務睇好佢平穩增長同息唔錯阿sir 點睇佢現價 ？6蚊樓下屬便宜嗎？龔成老師：中國水務（0855）本質正面的，業務發展不差，生意保持理想增長，不過，負債是佢最大的問題，這令佢的風險度增加。當經濟轉弱時，佢這類負債較高的企業，要對的不確定性會更高，所以佢股價不斷下跌，只是市場正常反映佢的風險度。這股可以長線，現價合理，$6以下在合理區中下部。現價注碼不建議太大，同時你要明白佢股價仍會波動。------------------------------------------------Q14778：龔sir您好,點睇6060眾安保險?龔成老師：眾安（6060），並不是無質素，佢業務高增長，但最大最大的問題，就是這企業仍處燒銀紙的狀態，虧損不斷出現，根來無人知幾時先有較似樣的盈利。這就會出現一個嚴重問題，企業值幾多錢先合理？答案是無人知。市場根本無法正確估到佢地企業價值，那就只能單憑概念、前景，去估這股的股價值幾多。這就會令這企業的股價十分波動，因為大家都只是估估下。------------------------------------------------Q14779：如果我現在有小小現金，可以投資什麼，還是作定期穩正的。我收入不高龔老師，如果買月供股，買邊的幾隻股好的龔成老師：我地理財，要做到攻守兼備，你先要做好防守，例如留有一定的應急錢，基本的現金，而餘下的現金，就可以作投資。月供股票是很好的做法，但同樣，你要先預留一筆現金，然後才開始進行月供的計劃。月供盈富（2800）是適合你的，就算每月小資金都無問題。------------------------------------------------Q14780：如果我想5年累積到100萬 (2020-2025)港鐵066 月供$2000 煤氣003 月供$2000盈富2800 月供 $2500比亞迪 月供$1500月供共$8000, 再每月留$2000觀察 低價入市 請問有機會有100萬嗎？另一個問題 月供到底幾時放好？如果5年內我見到升咗好多 我應唔應該放？定點都等5年先好放？ 龔成老師：如果用上述的計劃，我相信5年會滾存到$80萬-$100萬。能否成功打上$100萬，好睇你點運用餘下的$2000，因為這涉及選股及把握時機的能力，如果做得好，就有機會，不過，我會建議你努力儲多$2000，令你每月剩下現金$4000，成功機會會大增。至於月供幾時賣，一般會長線，月供5年以上，持有時間可以更長。因此，就算你永遠持有，無問題。但如果出現一些情況，都可以考慮賣出：第一，這股的質素已變，第二，股價遠超企業價值，第三，有另一個明顯更好回報的投資項目，才考慮賣出，轉換。----------------------------------------------多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

關於 3323可以入 ，我們在網路上蒐集到這些相關的討論、資訊與評價

「3323可以入」的推薦目錄：

3323可以入 在 龔成 Facebook 的最佳貼文

About author

3323可以入 在 龔成 Facebook 的精選貼文

About author

3323可以入 在 龔成 Facebook 的精選貼文

About author

3323可以入 在 貝莉莓-Beryl Youtube 的最讚貼文

About author

3323可以入 在 《絕對零域》 ξ槍剎〃 Youtube 的最讚貼文

About author

3323可以入 在 Hey I'm Alice Youtube 的最佳貼文

About author

你可能也想看看

搜尋相關連結

關於 3323可以入，我們在網路上蒐集到這些相關的討論、資訊與評價

3323可以入在龔成 Facebook 的最佳貼文

3323可以入在龔成 Facebook 的精選貼文

3323可以入在龔成 Facebook 的精選貼文

3323可以入在貝莉莓-Beryl Youtube 的最讚貼文

3323可以入在《絕對零域》 ξ槍剎〃 Youtube 的最讚貼文

3323可以入在 Hey I'm Alice Youtube 的最佳貼文