【真相大白】 過萬蚊呎首置盤都當資助房屋~
#首置當公營房屋
#九幅私樓地轉公營又如何
#公私七三比又如何
#無咩事廢青返出去先
【網絡打假—與黃遠輝辯論 賽後報告】
(多資料數據怕長氣慎入)
#土地需求估算 一向對政府講到欠1200公頃盤數充滿疑感同質疑，第一個例子係工業（係一般工業，即九龍灣之類啲工廈），政府估算長遠需求升，但早十幾廿年仲話工業昔微所以係咁改劃成商貿區，因而估計未來工業樓面面積供應跌添。而家先話未來需求升返，係咪之前政策錯誤？係咪今天就應該停止所有工廈轉營申請啦？黃遠輝梗係講啲圓滑野，又話需求因為時代變遷，然後又話數據中心等都有需求。（咦，我返屋企check清楚發現政府2030+報告將「數據中心」計入「特殊工業」喎，同「工業」唔同，佢借啲咦撈埋黎講混淆視聽囉！）
#骨灰龕土地需求 之前都有場合問過佢，呢75公頃需求點黎，佢今次有備而來，即刻講75公頃當中包括25公頃係沙嶺擴建（第一次聽Ｏ既新資訊）。咁我話，就算淨返50公頃，但據現時做緊O既新建骨灰龕項目，平均1公頃可建60,000龕位，50公頃夠300萬個位，當政府估計去到2035年每年死亡人口只係約6-7萬，300萬個位用到2064啦。佢仲要話骨灰龕同民居要有間距(buffer)，ok有排樹林做buffer 無問題，不過樹林唔會計入骨灰龕佔地面積嘛！吖我一講具體數字佢就縮，跟住又話自己唔係骨灰龕專業（喂係你不斷用1200公頃短缺來sell喎，我問細節你又縮，咁點說服公眾真係要咁多地？）
#填海 睇黎呢期都係狂sell填海喇。我問：政府而家做緊Ｏ既幾個填海選址規劃研究，只有好少係做公屋居屋，欣澳仲要係悠閒康樂喎，咁唔好狂sell填海造地幫劏房戶啦。咁佢當然扯去話土地需求唔只住宅，仲有好多經濟發展需要，同好堅持今天造咗地先將來做咩可以再諗。我舉返西九填海例子話，當年規劃講到係幫九龍區舊樓重建疏導，但而家係九龍站上蓋堆豪宅。然後佢好堅持—無可能做到（無可能今天就定實將來幅地做咩用途）。咁唔好再推劏房戶／公屋輪候冊出來sell填海好緊要啦。再講到所需年期，佢話預計15-20年先造到塊地，不過引述啲工程界話填海而家其實好快，由倒第一批泥到有塊地出來約3-4年。咁我問沉降要幾耐呢？跟住又縮，又話自己唔係工程專業。(又帶返頭盔先？)
#棕地 新發展區以外棕地，之前就話「零碎」難發展，佢而家改口話唔係「零碎」而係「零散」，因為見到本研社報告搵到唔少面積都大，如橫台山70公頃，不過佢話係偏遠零散。我話咁可以考慮6-8層鄉郊公屋，配合鄉郊context ,而且都有實例，如西貢／離島有。咁佢又去返講成本效益，即係要搞基建去到只係起鄉郊公屋，更加唔符合成本效益喎。（喂如果係鄉郊公屋規模有限都唔洗你搞好多基建upgrade先得啦；仲要講到起公屋成本效益大過天，以前都咁樣起，點解以前得而家唔得）
#發展商農地 既然講到有啲棕地咁偏遠，咁發展商農地呢？我話黃遠輝成日話唔知那1000公頃發展商農地分佈，但又好肯定有啲好偏遠一定唔可以以新發展區（政府收地）去發展，兩句話有矛盾喎。如果講到好偏遠，係咪要討論Ｏ既係呢啲地應否發展，而唔係用土收定公私合營。跟住佢遊咗好耐都回應唔到個矛盾，都係硬撐公私合營都只係一個建議。
#點心紙落% 佢最後都係講到唔係否定棕地同發展商農地。但點心紙上就要加個15%(即係：新發展區外棕地及私人農地都係短中期選項，本身潛在供應分別為760公頃及1000公頃，但分別落個15%就假定短中期十年內最多可分別發展110公頃及150公頃。) 點解係15%? 唔係多啲或少啲？無，從來無科學化解釋，只係「我哋小組討論過」就當係解釋。吓？
#公私營房屋比例 問到政府估計O既住宅土地需求1670公頃，當中公營住宅地：私營住宅地比例係約3:7。就當公營住宅基於成本效益同配套需求多數係高密度喇，但點解咁多地預俾私營？即係包括低密度豪宅？講到搵地咁辛苦，仲要留啲低密度豪宅地？咁佢當然又不斷講超過居屋申請資格一群都要私樓... (但剛超過居屋申請資格同住得起2-3層樓高豪宅O既差好遠喎！）。
最後戲肉，佢講到上個月林鄭好好啦，宣佈將九幅位於安達臣及啟德私樓地轉做資助房屋，都係好Ｏ既方向，當中啲 #資助房屋包括首置盤 (<-- 呢句係黃遠輝講架！佢承認咗首置當資助房屋！)得喇大家唔洗以為林鄭肯轉九幅地就跳起Yeah因為呢九幅係包首置架，市價七折咗都過萬蚊呎個啲都當啊！大家都唔洗對林鄭講咩未來公私七三比有幻想喇，可預計佢新增Ｏ既公營都只係首置～Bye
最後—無咩感想，好很攰。佢係一貫滑頭，你話佢好熟書咩？面嗰層係，但同佢進入去細節，佢就縮，又話自己唔係專業。黃生真係非工程專業，不過係推銷專業。細節係悶，不過請大家唔好放棄，因為越講細節就可發現成個土地大辯論資訊何等虛浮。
獨媒網絡打假 11-7-2018重溫
https://www.facebook.com/inmediahk/videos/1778280305542333/
以上講嘅2030+估算數字，可睇返2030+ 專題報告(9a) 「綜合土地需求及供應分析」
http://www.hk2030plus.hk/TC/explore_a.htm
buffer用途 在 [問題] 為什麼要加buffer? - 看板Electronics - 批踢踢實業坊 的推薦與評價
不好意思，這個問題可能很笨
但我一直想不明白 = =
常常聽到說加 buffer 提高驅動力
以數位ic來說，一般就是加 inverter
可是
每個邏輯閘，不都是也都要接 vdd 和 gnd 嗎? (NOT 也是..)
為什麼訊號變弱，加 inverter 就可以拉高訊號
其餘的邏輯閘，就是訊號衰減?
--
ボ ◢ ◥══◢ ◥═══◢ ◥◣ ══◥◣◢◤◣═ ◣◢═Vocaloid╮
║ ◣ ◤◥ ◢◢◢▼ quetzal◤◥◥﹨◣ ◢◥◤ ◥ ▼◥ ◣◢ ║
║ ● ●▼ ● ●◥ ロ ● ● ;│ ▼◥︽﹨ ◆▼◥▼﹨ ▃▃
║ ◣▄ ◢◤ ◤◣▆ ◢◥ ◥◣▃ ▉◤ ═● ● ▌ ◤● ● ▌ ◢ド！
║ ◤◤◢ ◣ カ ████▆≡ ◤▆ ◥ ◢◣▁ ▉◥ ◣▄ ▉◤ ▅▅
╰══◣︶●═══ ▊█▎◥◣══▼ ◢/△ ◤═イ═△▅/◥══ △▅/◣ ═══╯
--
※ 發信站: 批踢踢實業坊(ptt.cc)
◆ From: 163.22.18.74
... <看更多>