關於 hkfoodie_life_pancake ，我們在網路上蒐集到這些相關的討論、資訊與評價

📍ᴄʜᴇᴜɴɢ sʜᴀ ᴡᴀɴ, ʜᴏɴɢ ᴋᴏɴɢ 🇭🇰
<長沙灣無添加家庭風Café 雙生館>
雖然呢間小店已經開咗一年幾有多，但其實小編都係啱啱先認識🤫認識佢哋嘅主要原因係因為見到有人介紹佢哋嘅疏乎厘班戟，齋睇相都已經覺得空氣咁十足😜超吸引啊！
雙生館係一間主打做無添加既家常手工菜Café😜中西日式乜都有。而店舖所有嘅菜式都係由一對80後孖生姊妹同媽媽炮製😌
-
🍴蝶豆咖喱雞扒飯
評分：7/10
咖喱雞扒飯🍛嘅顏色非常豐富，五顏六色咁，真係超靚呀！入口味道方面，雞扒表面本身有輕微煎過，所以雞排入口表面香脆😝而內裏肉質嫩滑，同時亦非常Juicy🤤至於個蝶豆咖喱汁方面，咖喱汁嘅顏色真係非常之靚🥰係帶有淺紫藍嘅顏色，咖喱汁入口食落有好香嘅椰漿味，中間亦夾雜着有淡淡味道香甜嘅獨特花香味😉不過其實呢一款咖喱汁係唔會食得出有咖喱嘅香味架！配埋個紅米飯一齊食，整款咖喱飯健康得來，口感亦比較豐富😉入口食落嘅口感亦都唔會太過單調。
價格：HKD $60
-
🍴牛油果車厘茄·雜莓蘋果乳酪手工歐式多士
評分：8/10
多士選用左店舖自家製嘅法式鄉村麵包🥖烤製而成，麵包以法國麵粉加入老麵以低溫長時間發酵製成。然後喺多士多士表面塗上一層乳酪，再分別放上牛油果🥑、車厘茄🍅同黑椒作調味，而另一塊多士表面就放上火龍果粒、藍莓同薄荷葉作裝飾🤗
牛油果車厘茄乳酪手工歐式多士入口食落嘅味道非常豐富😋由於多士表面有啲黑椒粒喺度，所以入口食落味道都唔會太過單調🤪表面一粒粒Creamy嘅牛油果粒同爽脆嘅車厘茄亦都令成件多士嘅整體感覺更加圓滿同豐富😄至於底部嘅多士入口食落同樣非常有驚喜，多士入口食落外脆內軟，中間嘅麵包都非常軟熟🥰而且多士本身嘅麵包味亦都好香，成個配搭都超級正呀！
雜莓蘋果乳酪手工歐式多士嘅顏色都非常搶眼突出😘不過小編去當日就好似冇蘋果，所以店主就轉咗用火龍果😂多士嘅味道清新，入口食落酸酸甜甜咁🤫越食越開胃。而且表面都加入左火龍果粒係表面，所以成個多士嘅味道都唔會過於單一😉而且當時表面有啲乳酩喺度，所以入口食落嘅質感亦都唔會太乾身😳整體來講，雖然呢一款多士入口食落嘅感覺冇咁驚艷，但整體味道同樣係相當唔錯😝
價格：HKD $78
-
🍴鮮雜果疏乎厘班戟
評分：8/10
疏乎厘班戟既賣相雖然就比較一般，但就勝在大件夾抵食😳疏乎厘班戟嘅Size係平時嘅1.5倍😎入口食落蛋香味重，味道又唔會太甜，而且空氣感十足☺️即使配埋旁邊既蜜糖一齊食，味道香甜但又唔會太單調。而且疏乎厘班戟表面既鮮忌廉打得輕盈🤗唔會好Heavy。而小編當日去食嘅鮮雜果分別係香橙同火龍果，香橙片入口味道酸酸甜甜，非常清新；火龍果片就入口味道香甜🤓成個疏乎厘班戟嘅配搭都好創新，咁嘅配搭真係超級少見，而且班戟本身真係做得好好味，加分🤪
價格：HKD $138
-
🍴紅棗蘭貴人
評分：8/10
紅棗蘭貴人以桂花烏龍茶☕️做茶底，裏面再放入兩粒紅棗於茶壺之中浸泡😁
紅棗蘭貴人茶入口會帶有比較重嘅烏龍茶茶香味，成壺茶既味道都唔會太甜🤔而且烏龍茶中間夾雜着清香嘅桂花味，成杯茶嘅味道都唔會太過單調🤭而紅棗嘅香味亦都會慢慢浸出黎，所以個紅棗味其實會越飲越突出，成壺茶既味道都非常有層次😆
價格：HKD $35
-
🍴洛神花茉莉蜜花茶
評分：7.5/10
花茶嘅顏色非常之靚，呈現比較深嘅粉紅色🥰少女心爆發啊，而且表面亦都有好多茉莉花喺度，真係會心心眼架😍唔好見到花蜜茶呢三個字就以為呢一杯花茶好甜，其實佢入口味道酸酸甜甜咁😋而且個洛神花花香味亦都好突出，非常開胃。配埋歌茉莉花蜜味道都唔會太甜😌反而帶有一種清香嘅茉莉花花香味，成杯飲品嘅味道都非常豐富，而且味道都唔會太甜膩🥳味道清新。
價格：HKD $30
——————————
店舖名稱：雙生館
環境：4/5
服務：4.5/5
地址：長沙灣集輝街2-8號耀輝大廈地下3號舖
交通：港鐵荔枝角站B1出口，步行約8分鐘
——————————
#hkfoodie_life_長沙灣
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_Café
#hkfoodie_life_Pancake
#hkfoodie_life_多國菜
．
．
．
．
．
#wongskitchen #pancake #雙生館 #手工麵包 #疏乎厘班戟 #厚班戟

📍ᴛsɪᴍ sʜᴀ ᴛsᴜɪ, ʜᴏɴɢ ᴋᴏɴɢ 🇭🇰
<尖沙咀高質夢幻花系咖啡店 SéanCafe>
原來喺尖沙咀嗰邊開咗一間食用花餐廳😱小編呢個花控一知道之後當然要即刻bookmark啦🥰不過原來店舖除咗食物特別之外，原來背後既創業理念都好有意思架😆
Séan Cafe係由一名喺特殊學校任教約10年嘅老師同家人開設嘅花系Café☺️為嘅係希望可以教特殊學生一門手藝。另外，店舖嘅食物都會加入食用花🌸製作，而靈感係嚟自店主一個曾經經常咬花瓣嘅自閉症學生，令店主開始研究食用花🤗
-
🍴玫瑰花忌廉汁海蝦意大利燉飯
評分：8.5/10
燉飯以意大利飯同法國粉紅玫瑰🌹混入忌廉汁燉煮而成，再放上以香草蒜蓉炒過既新鮮海蝦🦐，最後喺碟邊放上玫瑰花瓣🥰製成呢一款花香四溢既意大利燉飯🤤
意大利燉飯入口有淡淡味道香甜嘅玫瑰花香☺️估唔到原來玫瑰忌廉汁燉煮出嚟嘅意大利飯味道係咁特別。另外，意大利燉飯嘅軟硬度適中，而且份量亦都非常足夠😳配合埋入口味道鮮甜而且帶有淡淡蒜香味嘅爽口海蝦😋意大利燉飯出嚟整體嘅味道非常匹配，完全捕捉到小編嘅喜好🤣好難唔俾高分😳
價格：HKD $128
-
🍴意大利黑醋醬黑松露魷魚扁意粉
評分：7.5/10
扁意粉🍝加入左黑松露醬同洋蔥煮成，放上魷魚圈🦑同車厘茄🍅後，再淋上少量意大利黑醋醬，製成呢一款味道酸甜而且大有陣陣黑松露香氣嘅嘅扁意粉😉
扁意粉入口有淡淡嘅黑松露香味🤗而且扁意粉嘅軟硬度適中，冇over cook😙雖然扁意粉就咁配黑松露出嚟會比較乾身😅但係加埋個黑醋醬彌補左呢個不足之處🤔所以即使一個人食晒成碟扁意粉都唔會覺得好膩😏而且入口酸酸地咁反而會更加開胃🤫而配上爽口嘅魷魚圈可以令成碟扁意粉變得冇咁單調。
價格：HKD $118
-
🍴玫瑰班戟
評分：8/10
班戟由於製作需時，所以要等大概20分鐘。師傅會將碎花瓣混入蛋漿，製作出呢款花香同蛋香味都兼備嘅班戟🥞。再配上新鮮打成嘅忌廉同玫瑰糖漿🌹，最後再放上玫瑰花瓣做裝飾😍
班戟入口有好重嘅蛋香味，班戟當中夾雜着微弱嘅花香味😋雖然班戟本身個質感比較乾身，但混合忌廉一齊食就完全解決左呢個問題🥰而且將班戟點少量嘅玫瑰花糖漿一齊食，除咗入口會食到有好香嘅玫瑰花味之外，班戟入口嘅味道亦都會變得比較香甜😚重點係個玫瑰糖漿份量真係比多好多，非常滿足☺️整體來講班戟入口有淡淡的玫瑰花香，亦都食到有好重嘅蛋香味，所以小編個人覺得都算係幾好食😆
價格：HKD $78
-
🍴杞子紅棗桂圓茶
評分：8/10
呢一壺養生茶用咗杞子、紅棗同桂圓粒沖泡而成😊另外，店員亦都加入左龍眼蜜去調味🤗所以出嚟個味道絕對唔會好似想像中嘅咁單調😎
養生茶入口味道比較甜，而且有好香嘅紅棗同龍眼味😚但個人覺得有幾分似黑糖水嘅味道😂雖然養生茶嘅味道比較甜，但其實好飲得黎亦都算係比較健康😌因為養生茶都係加咗龍眼蜜落去調味，所以整體來講小編都覺得非常唔錯👍
價格：HKD $42
——————————
店舖名稱：Séan Cafe
環境：5/5
服務：4/5
地址：尖沙咀漆咸道南29-31號溫莎大廈地下12A號舖
交通：港鐵尖東站P3出口，步行約3分鐘
——————————
#hkfoodie_life_尖沙咀
附近鐵路沿線仲有咩食👇
#hkfoodie_life_荃灣綫
#hkfoodie_life_西鐵綫
同類型食物嘅介紹👇
#hkfoodie_life_Café
#hkfoodie_life_Pancake
．
．
．
．
．
#seancafe #séancafe #cafe #pancake #咖啡店 #意大利飯 #咖啡廳 #班戟 #スフレパンケーキ

📍ᴋᴡᴜɴ ᴛᴏɴɢ, ʜᴏɴɢ ᴋᴏɴɢ 🇭🇰
<超人氣工廈PANCAKE餐廳 高興Café>
小編一直想試呢間Cafe好耐㗎啦😊之前亦都見到有好多人介紹過呢間Cafe，終於今日食到啦👏相信大家見到呢一間Cafe個名都同小編一樣諗起佢哋個pancake🥞，呢度嘅pancake定價都算幾平，由$50至$62😯而且口味選擇都幾多下添，足足有成六款咁多🤗
餐廳除咗有供應pancake之外仲有意大利麵🍝、日式咖喱🍛、沙律🥗…定價合理亦都唔算太貴。另外場內仲有好多唔同嘅復古打卡位🤭以工廈餐廳來講裝修可以話係超級靚啊😍
-
🍴檸檬酸忌廉楓糖Pancake
評分：8/10
師傅製作pancake嘅時候，會係pancake表面加上一片新鮮嘅檸檬🍋，令成個配搭都比較清新🤗而且仲會放上酸忌廉、三片檸檬做伴碟😉另外亦都會用一個細杯仔分開裝起啲楓糖糖醬🍯。
店舖嘅Pancake由於係即叫即整😚所以都要等15分鐘左右🤔Pancake上枱嘅時候真係非常香，聞落有淡淡的檸檬味😝而且仲有好重嘅蛋香味添！Pancake入口有淡淡的熱檸檬味😍同pancake本身個味道非常之夾😋不過pancake入口就有好重既檸檬酸味😣但配合埋味道香甜嘅楓糖糖漿就可以中和返個種酸味😜整體嘅味道會更加豐富👍至於口感方面就有啲似食緊蛋糕咁☺️所以一個人食晒成份都非常飽肚。
價格：HKD $50
-
🍴玫瑰荔枝沙冰
評分：5.5/10
沙冰就係以冰粒同荔枝糖漿製作而成😳再係沙冰表面灑上玫瑰花瓣碎🌹，飲品出嚟個效果都幾靚😍少女心爆燈啊！
沙冰出嚟個效果呈現淡淡的粉紅色😚而且沙冰表面灑上玫瑰花瓣碎就令到成杯飲品出嚟個效果更加夢幻☺️至於味道方面，沙冰入口有非常重嘅荔枝味😜味道唔算太甜，而且個沙冰真係做得非常冰凍😂另外飲品入口其實真係冇乜玫瑰味，有少少失望😔若果可以加重返個玫瑰味就更加好🤪
價格：HKD $34
——————————
店舖名稱：高興 Happinesssss Café
環境：5/5
服務：4.5/5
地址：觀塘成業街19-23號成業工業大廈地下2號舖
交通：港鐵觀塘站B2出口，步行約4分鐘
——————————
#hkfoodie_life_觀塘
附近鐵路沿線仲有咩食👇
#hkfoodie_life_觀塘綫
同類型食物嘅介紹👇
#hkfoodie_life_Café
#hkfoodie_life_Pancake
．
．
．
．
．
#pancake #dessert #cafehk #happinessssscafe #高興cafe #咖啡廳 #甜品 #甜點 #甜點控 #班戟 #スフレパンケーキ