［所謂先知就係知早你少少］11月我篇文寫明話一仔虧損會收窄，亦計埋訂閱費有幾多，會點幫到盤數。而家見到啦？就係知早你7個月咁咯
1. TL:DR—大師冇點你！神說有光，於是變有了光。11月我話一仔虧損見底，於是真係見底（其實有幾難估？）。又，香港讀者對得住肥佬黎有餘，叫佢出嚟叩頭啦。另外，最低有彩蛋。埃汾廣告嚟的，費事話昆你。
2. 你睇我幾好心機，成份業績同佢打一次（https://bit.ly/2YnUqwL）。一仔嘅業績，你只需要睇兩個人寫。一個係東方（複姓？），一個係我。正所謂 keep your friends close and your enemies closer。
3. 東方就不用講。我嘛？雖然我受一仔同蘋果影響甚深，但講緊係十年前起碼。有人當我係打手，就真係美麗的誤會。雖則我係有科水訂閱蘋果嘅，但不見得比我打邊爐叫多碟魚皮用嘅錢為多。
4. 但，本人一向就事論事。作為一隻花生指數咁高嘅股票，當然要寫。尤其係一街盲毛都要加把嘴嗰時。純財務討論，鍾意講政治嘅自己入堆填區講飽佢
5. 拿，本人舊年11月，在東京食住拉麵（此情不再），大字寫明，一仔蝕3億，見底。問你服未？！就真係見底咯。（https://bit.ly/2YnqEYV）。有冇呃你？
6. 你話，喂，烚我唔識字呀？明明年度蝕4億幾，上年度先3億幾，見乜底？！
7. 差矣，睇多次？上次11月寫嘛，而家6月嘛。一仔係3月底年結嘛！咁上次就當然係半年業績啦！上次係2019年4-9月嘛，蝕3億。咁我話見底，當然係下一次業績（即係今次），「下半年」蝕少啲，即係2019年10月-2020年3月咯。
8. 咁事實，上次，上半年蝕3億嘛，下半年就蝕1億！仲唔係大幅收窄？仲唔係真正的中！
9. 拿，所謂先知，就係知早你少少
10. 不過首先講返，如果你睇年結，即係3月31，一仔個情況係好大劑的。會計師都寫明（自己睇啦），對於間公司係咪可以持續營運，有相當大疑問。
11. 右上角。由幾個角度都睇到，首先，本book 得返6億幾，但你過去一年蝕4億。實情就好危殆，同有線差不多一樣（睇舊文）（https://bit.ly/315w4tn）！哈，兩間公司都係6億幾book，舊年一樣係蝕4億！有線仲要市值大過一仔一大截，而一仔照計好得閒咁抽無線執笠，果然好有香港精神。
12. 至於點解蝕錢？啲理由就你都估到，中美貿易戰，香港社運，仲有肺炎。萬能key
13. 另外，現水就2億唔到，貸款就6億幾。仲好似有億幾係一年內到期。咁你話大唔大鑊？net debt to equity（現金減貸款再除以帳面值），去到70%。係，我知，恒大去到200%添。但你係咪恒大丫？
14. 之但係，點解會計師畫龜？你估真係收咗錢咩（錢就梗係要收）。因為，有呢個post balance sheet event，6月10日，有位股東借錢畀公司，當然係黎智英。咁會計師咪肯。留意，黎智英只係借錢畀公司，所以財務上你見就等於公司搵銀行借多筆錢咁解。而唔係話供咗股或注資。所以係cash 多咗 loan多咗，而唔係cash 多咗 股東權益多咗。好多人連呢啲咁撚基本嘅嘢都未知。（＊）
15. 咁但，死還死七孔流血還七孔流血，股票炒將來嘛。呢刻當然好危殆，6億book舊年蝕4億，下年再蝕4億咪仆街？
16. 但，咪一開頭講左咯！下半年蝕少咗嘛！
17. 我地而家睇睇盤數。按年計，黃色同黃色比，冇乜好講。收入大跌，成本都有慳，但遠遠未夠冚。咪由蝕3億幾變到蝕4億幾
18. 但再講一次，股票睇最新嘅資料嘛。識睇梗係睇半年（又係嗰句，大撚把盲毛連呢啲都未知，都好意思出嚟寫文）。橙色同橙色比。哇哈，半年收入，有得升喎！堅！
19. 一仔收入分開數碼同印刷業績，後者繼續跌，當然係前者帶動收入回升。
20. 咁數碼收入，咩帶動？就係訂閱費。成功的。上半年先5000萬唔夠，下半年去到2億2。就咁獨立嚟睇，呢舊嘢真係好成功。而上一年？甚至未出現
21. 至於點解半年升得咁快？上次都解咗。留意返啲年結日子，一仔6月先推訂閱制，9月先正價。咪就所以上半年冇乜，下半年就貢獻足6個月。咁固然有唔少最初平價嘅畀，去到正價唔畀，但去到下半年，全部都係比正價的了。
22. 拿，真係上次個post寫到明的（https://bit.ly/3i1eNYC）。半年多咗2億2喎，而你成壇嘢半年總收入先5-6億。好係嘢。舊文話全年講緊多4億半（條數幾咁準！）收入，而冇乜額外成本的。
23. 當然，係咪一命救全家，都仲有啲保留。留意，乜春業務都好，數碼又好印刷又好，除咗訂閱制外，全部都係跌。按年跌，半年比半年都係跌的。廣告跌得好勁，紙版又係，網上都係跌。
24. 又介紹返，今次嘅業績去到3月尾，反映咗部份肺炎嘅影響（廣告停晒）。但下次中期業績先見真章，可以想像，啲廣告應該係繼續跌。
25. 仲有唔好忘記，聞說舊年11月理大壇嘢後，蘋果失咗唔少民心咁話，好似話好多人取消課金。唔知影響大唔大。好似話80萬跌到60萬咁。（最初特價時聽聞有100萬）
26. 反而你見最傳統嘅賣報紙收入，企得幾硬—即係半年前都仲會買實體報紙嗰啲人，應該係文盲唔識上網的，例如埃汾。等於你見咩明報信報嗰啲，加咗價，唔見得點影響銷量。因為買嗰啲係文盲唔識上網嘅廢老，例如埃汾。
27. 大膽估計，一仔嚟緊上半年（4-9月）業績，應該仲係蝕錢。幾可能會多過舊年下半年嘅1億。但再下一次嘅下半年（今年10月至下年3月），應該會好返啲。
28. 其他仲可以評點嘅（忙嘅可以跳走）：
29. 我必定要講，我個人就無關重要。但我幾肯定，香港啲讀者冇對唔住肥佬黎，真係叫肥佬嚟出嚟叩頭啦。真喎，全部業務收入都跌，係得訂閱大升。基本上係讀者養住你檔嘢同你啲員工。啲肥佬黎死士（居然有啲咁嘅人）會話，喂，肥佬黎借幾億畀公司喎—仆街，你借咋喎，要還的。讀者畀咗錢邊有得回水？你又會話，咁你有得睇嘛。下話？我幾肯定唔少人，其實科咗水，係冇乜睇的。例如我。
30. 我地做個比較。搞笑地，份業績，一仔就用「華爾街日報」同「華盛頓郵報」做比較。我識，我份都有比錢訂。但，我懶查。講返我知嘅。喂，你蘋果都成100萬人比錢訂喎—你知唔知Financial Times講緊幾多人訂？都係100萬咋！電子版嘅唔夠80萬（我有份）。Economist ？都係差不多，不過紙版多啲人，80+80咁（我又有份）。New York Times呢？勁咯，5百萬人。大約4百萬係數碼版（我又有份）—但，New York Times 一個月收我廿蚊咋（梗係港紙）！未撚夠我買本一仔（已死）
31. 所以，讀者真係對得住肥佬黎有突
32. 另外，真係要講香港讀者。「你旨意台灣班撚樣就含得撚」（sorry咁粗俗）。咪話半年一仔收入回升嘅，上面講咗係數碼增長，印刷倒退，拉勻有啲增長咁。但地區呢？台灣係大倒退的！係香港頂住。仲有其他，美國加拿大咁。你靠啲台灣佬就真係死得。十蚊份聯合報都話貴呀（梗係台幣）。
33. Finally，你見一仔業績，寫個負債比率，係31.5%的。但你見埃汾個圖（右上角）明明話70%。邊個錯？兩個都冇錯，但，一仔拎去計時，個份母係總資產。嘻。記得舊文都講過，本人一律幫你計返正，net debt to equity，有幾撚難明？
（＊）當然最後shareholder loan有時會convert做股本，後話，但都要佢本人同意。而又，係冇得掉轉的，所以咪撚以為你係股東就匯豐爭你錢
——————————————
多謝你睇到呢度，而家到你救我全家了。新搞作。同Homeblogger新合作，以往得文字，而家玩短片。第一炮當然係你最關心嘅，下半年個市點睇。港股，美股，樓市。暫時斷次買。80蚊，講足半個鐘。你請我食一次飯一定唔止，我好大食的，食你七八舊水都得。
入面有埋圖，有埋恒指標普目標價，教埋資產配置，有埋6隻心水股。有港股有美股有大有細。
請去呢度睇：https://bit.ly/37S4iC5
課程編號：CC002
客服whatsapp: 63832145
new balance美股 在 new balance股價-在PTT/IG/網紅社群上服務品牌流行穿搭 的推薦與評價
new balance 美股 在PTT/mobile01評價與討論, 提供HD 美股、nke股價、nike股票代號就來美股台股投資觀測站，有最完整new balance美股體驗分享訊息. ... <看更多>