《連詩雅罰抄一千次嘅教學啟示》
連詩雅句Rest in piece俾人笑咗一千年，尋日又寫錯One peace，由於群情洶湧，太多人指責連詩雅文盲，於是連詩雅抄咗一千次piece字，以證改過自新嘅決心。
實在係辛苦哂連詩雅(嘅助手)，但呢種自我折磨嘅懲罰係無學習成效嘅...
連詩雅其實無串錯piece 同peace 呢兩個字，佢唔係要學點串，佢係要學點用。如其抄單字，不如作句。好似以前成語造句嘅功課，俾個成語你，例如悶悶不樂，你就作「小明因為唔開心而悶悶不樂。」
連詩雅自我懲罰，令我諗起小學好多全無學習成效嘅功課...
1. 詞語
呢個世界有份功課叫詞語，老師會將課文入面最多筆劃嘅字圈起，叫你不停喪抄數十次。例如鬱鬱寡歡，鏗鏘，言之鑿鑿等，總之個啲詞語平時唔會用，明明打速成打憂會有個鬱字，根本唔使刻意學。唔只中文堂，英文堂都有詞語呢份功課，有時個課係教西餐美食，就會抄一堆「通心粉」，「闊條麵」，「螺絲粉」，抄都唔緊要，抄堆意大利文做乜鬼野？
2. 重組句子
綜合練習一定有一part 我最憎嘅重組句子，好地地一句句子，佢用六合彩個部機攪散佢，叫你重新排列。叫人排列，又唔俾人寫1234 就算，又要俾條線你，重新抄一次個句，有咩意義？
3. 謄文
作文堂作咗篇千字文出來，老師好似grammar check 咁圈返啲錯處出來，即使你錯一個字都好，佢都要你將成篇文重新由頭謄一次。
呢啲無學習成效嘅功課都係圍繞住「抄寫」，到底係邊個蛋散發明？中國四大發明，明明就有印刷，點解仲要人係有炒唔係又抄。今時今日個社會進化到呢個地步，喺教與學嘅過程中，可唔可以避免個啲做咗都唔知為咩，無學習成效嘅功課？，
PS.連詩雅擺明係識讀唔識寫嘅ABC，英文版嘅執筆忘字，改過自新都有好多方法，每次出post 前上網查字典即可。
再PS. 講起抄寫，中二個年，上緊普通話堂，有個同學偷做英文功課，普通話老師話「你咁有學習心，罰你將份英文功課，translate 成中文，再用普通話拼音標示返俾我啦。」
rest in piece連詩雅 在 連詩雅超流利英語訪問片翻Hit震撼網民一雪rest in piece前恥 的推薦與評價
連詩雅 (Shiga) 於2013年曾因為一句「 Rest in piece 」遭網民恥笑，事緣當年憑《狂野時速》電影系列在全球爆紅的苛里活男星員Paul Walker不幸因車禍逝世 ... ... <看更多>