2019年，我買咗人生第一層樓，
其實so far都無乜唔滿意，
位置唔錯，價錢唔錯，size唔錯，返工方便，
缺點當然有啦，就係校網極差，同埋附近無乜啱食嘅餐廳囉。
移民踏入第三年，我對揀住邊區嘅諗法都有啲唔同咗，例如我曾經好抗拒住華人區，因為覺得嚟到澳洲緊係要融入下呢度，住白人區會好啲。
但係住咗年幾，我發現我個人融入到呢區但係我個胃融入唔到😩我完全擺脫唔到亞洲超市、亞洲餐廳。屋企常備嘅仍然係港式醬料，叫外賣叫嚟叫去都係（唔好食嘅）亞洲菜，去華人超市嘅次數遠多過去鬼佬超市。
諗返我媽咪前年嚟探我，諗到佢要行一大段路去鬼佬超市，同所有人都溝通唔到，想行出去食個飯都無餐廳啱食，我心入面就有「如果我住華人區就好啦」嘅諗法。
又，原本我對校網無咩感覺，
但係踏入唔生就變高齡產婦嘅年紀，
我同🙎🏻♂️由1516唔知生唔生好，
到而家其實都唔算抗拒，
所以如果有機會搬屋嘅話一定會考慮埋校網。
（呢邊係根據你住邊區而入讀返嗰區嘅學校，上網入屋企地址就會搵到所屬嘅校網㗎喇）
雖然華人區樓價貴啲，
但係講到校網，交通方便程度，社區嘅配套，又確實比白人區好。
我最近識咗個香港地產agent朋友，佢帶咗我去八卦睇Melbourne 華人區兩個動咗工但係未落成嘅樓盤。
第一個喺box hill，係極抵屌嘅apartment，2023年就會起好，最平四十幾萬澳紙有交易，行路三分鐘可以去到商場用中文買魚買肉買海鮮睇醫生食飯搭train出city，小學校網仲要係區內名校。香港暫時無呢個盤賣，無乜宣傳下喺澳洲都已經賣咗一半㗎喇。
第二個係喺一個叫Blackburn 嘅suburb嘅townhouse。講真負擔到我都會揀townhouse，密度低啲緊係住得舒服啲啦。佢遠離咗box hill 市中心嘅繁囂，但係又享受到box hill嘅校網，中學小學都係區內名校，睇完之後我成身充滿賺錢嘅動力，好！想！買！
聽講有啲香港agent 賣澳洲樓係會抬高啲個價再扮減價賣出去。搵澳洲在地agent就唔會有呢個問題喇，佢發誓唔會mark up之餘大家更加可以R吓優惠😏 有興趣投資/自住澳洲樓嘅可以留言/PM我，我會叫我個地產朋友好好照顧你哋俾意見你哋☺️佢喺唔同省唔同區都有好多盤喺手㗎。
記住share埋俾有興趣嘅朋友呀！
townhouse中文 在 西雅圖日報- 【美國房型知多少】 【Condo, Town House ... 的推薦與評價
【美國房型知多少】 【Condo, Town House, Single Family House 是什麼】 很多人都覺得美國地大物博，連房子都很大，都覺得住在美國一定都是住在別墅。 ... <看更多>