#小編食好西：今次小編嚟到銅鑼灣如心酒店嘅Corner 18,位置好方便，喺天后地鐵站A出口，過條馬路就到！佢哋嘅「環球美饌半自助餐」，可以揀咗主菜先，前菜、海鮮、沙律同埋甜品都可以任食😍！
💁🏻♂️預訂網址：https://flyagain.la/254c
📍環境：
餐廳位於酒店1樓，環境好安靜舒適，枱與枱之間都有足夠空間，同成班朋友去食講嘢大聲少少都唔怕會嘈到人🤪，仲可以睇到少少街景🌃！每張枱都有盞「打卡燈」，用嚟影食物🥙🥩一流呀！
即睇各食物表現如何：
一坐低，服務員即刻送上每枱一份既🐟刺身拼盤，今次就有帶子、三文魚同埋吞拿魚，全部都新鮮呀😋～ 之後仲送左每位兩隻既熱辣辣蒜蓉芝士焗蠔，好惹味！如果呢兩款都係任食就好啦～🥲
回本位🤩：🐟冷盤海鮮選擇雖然唔多，有青口、蝦、麵包蟹同埋螺，但全部都幾鮮味！
🥙沙律： 除左一般既自選沙律，仲有好多沙律揀，紅菜頭沙律、蝦薯仔沙律、椰菜花鷹嘴豆沙律、藜麥番茄青瓜沙律.... 食得太多肉，食下沙律又開胃啲，咁就可以再食多啲啦🥰🥰！
🍨甜品：選擇中規中矩，有各式切餅啦，不過有平時小見既churros~ 同埋即製窩夫，可以揀🍓士多啤梨或者朱古力醬🍫！仲有Mövenpick雪糕任食😍😍😍😍，有雲呢嗱、士多啤梨同埋朱古力三隻味揀😋！
跟住服務員都好仔細介紹主菜，有7款揀：
· 🦐大蝦意大利粉
· 辣肉醬水牛芝士🧀扭紋大通粉
· 鮑魚意青瓜🥒燴飯配龍蝦汁
· 炭燒美國牛柳🥩配胡椒汁
· 炭燒伊比利亞黑毛豬🍖梅肉配松露薯蓉伴芥末籽汁
· 燒原隻春雞🍗配百里香燒汁
· 阿拉斯加比目魚🐟配蒜蓉菜脯伴香辣醬油
如果有多D朋友，仲可以轉以下既主菜：
·（2位用）炭燒原條意大利海鱸魚🐟配青檸蒔蘿汁
·（4位用）炭燒澳洲有骨肉眼扒 🥩（40安士）配炒雜菜伴黑醋汁
如果想食好D，仲可以加少少錢轉以下主菜：
· 炭燒半邊龍蝦🦞配扁意粉伴車厘茄龍蝦汁＋HK$100
· 炭燒澳洲羊扒🐑配炒雜菌及黑松露醬 ＋HK$100
小編就試咗原隻燒春雞同埋牛柳，即刻睇下味道如何啦！
🤩🤩原隻燒春雞🍗：原隻上睇到都已經好滿足啦😍😍😍！雞皮有好香嘅香草味同埋蜜糖，仲係好脆㗎！雞肉都好Juicy🤤！連雞胸都唔「鞋」👍🏻 加埋配菜小編都食唔晒，要同朋友happy share先食得晒！
🤩炭燒美國牛柳：見到隻燒春雞已經完全吸睛，差D唔記得左仲有燒牛柳，小編點咗Medium Rare，燒得啱啱好🤤，唔會好生，如果唔怕太生既朋友都可以試下！牛肉味好濃，加埋胡椒汁一齊食都幾夾，不過肉質就有少少乾
💬 總結
主餐牌選擇都幾多，啱晒唔同人嘅需求，不過如果可以加多個俾🥬素食者嘅話都唔錯！任食嘅選擇就中規中矩，唔算多，建議可以加少少熱盤，可以試多幾樣熟食丫嘛😙😙！不過呢個價錢喺港島食餐飯都算抵啦！
完
原隻燒春雞 在 燒春雞這個方法煮皮脆肉嫩,大家不妨試下 #燒春雞 - YouTube 的推薦與評價
燒春雞 這個方法煮皮脆肉嫩,大家不妨試下 # 燒春雞 ... 〈職人吹水〉 情人節二人溫馨晚餐香煎 原隻春雞 點樣拆骨起肉詳盡講解show me your love. ... <看更多>