#停課不停學 #蟲此不一樣
#跳出教科書
親身見證蟲蟲化蝶嘅生長過程
愛心、耐性、善良唔係睇書就學到嘅。
同雷囡一齊親身見證，珍惜生命🥰
「蟲」此不一樣
今日終於排到條蝴蝶蟲🐛
我養寵物嘅經驗只有魚。
一缸 鹹水，一缸淡水，養左好多年。
一次意外...冇晒，之後就冇再養喇...
最近同朋友傾計發現原來有蝴蝶蟲賣，嘩！好神奇呀！
話說早在我小學時期上完科學堂（而家嘅常識科）
睇到蝴蝶蟲，真係好希望自己可以見證一下，
由一條咁醜樣嘅蟲變成一隻咁靚嘅蝴蝶...生命實在太神奇喇！
雷囡s從未養過寵物，一直唔覺得佢地有興趣。
自從停課後，老師俾左幾粒豆我地種，
見到佢地好俾心機種豆。之後我就買一袋豆俾佢地，自己種豆芽，雖然第一次種得麻麻，會再努力！
多謝靚媽 Msmama Bellala - Yelly Chui介紹，
我地終於買左條識變蝴蝶嘅蟲蟲🐛
開頭有擔心，蟲蟲變左蝴蝶後要放生，佢地會唔會好難過呢？ 但同佢地傾完，佢地都好有興趣，
仲話會幫手照顧呢位新「朋友仔」。
我都好想佢地學下點照顧寵物，希望佢地做個有愛心同責任心嘅小朋友。更加希望可以一齊見證生命嘅奇妙。
今日收到通知可以接佢返屋企，雷小囡興奮到由朝問到黑，不斷問佢幾時嚟，問左我幾十次，真係勁緊張...
為大家隆重介紹，雷囡家新成員-彩虹🌈
係，沉晚改名改左幾百個，阿蟲、阿蝴、小蝴蝶、細細粒...今晚終於決定改左「彩虹🌈」
姓別：未知
顏色：未知
身長：1.2cm
性格：未知
今日接佢返嚟剛好脫皮階段，全晚九成九時間郁都唔郁。
好突然見到佢郁左幾下，雷囡s超級興奮，仲係咁叫我快啲影...我都好緊張，完全唔知點影好。最終拎得起相機嚟佢已經瞓返... 好珍貴嘅幾秒🤣🤣
提提大家，如果冇經驗，唔好亂去捉呀，
因為店主話有啲蛾蟲個樣同蝴蝶蟲好似。
但有毒㗎，要小心唔好亂捉呀！
蝴蝶蟲套裝有齊可以養到阿彩虹🌈有毛有翼識飛嘅一切所需，
仲好窩心咁送埋蝴蝶去傳播花粉後，送俾小朋友嘅小禮物。
雷小囡太耐冇去過街，行去地鐵站條路突然變得好陌生又好興奮，行斜路邊行邊爆笑🤣
疫情令一條本是平淡無奇嘅路，變到好似去遊樂場咁興奮。
媽媽睇落心酸，但小朋友嘅樂天，絕對俾到我地最大嘅安慰。
#點蟲蟲蟲飛飛去阿婆荔枝磯
#雷囡養蟲記Day1
聽朝瞓醒佢脫完皮未呢？ 期待🥰
