<元朗６款必選小吃>
（獨立製作，用心經營。歡迎轉載，請勁share）
各店食評及詳細資料：https://goo.gl/T53NrQ
因為雜誌稿，每個星期都會「落區」。今個星期，來元朗「掃街」。在云云店子之中，這是KC覺得必吃的6款小吃：
1. （妙舒）元朗燒賣皇后：10元5粒豬肉冬菇燒賣，除了蒸還可以燒又或者炸。燒賣本身好吃，鬆軟有肉味。必不要錯過其辣汁，真係幾辣，但又惹味；
2. 串皇：呢度好吃的東西很多，但燒雞皮就是非吃不可的。燒得乾身而咬下去又爆發油脂甘香。調味得宜，是邪惡的好吃。此外牛脷都好吃，沙爹汁又係超惹味的；
3. 肥姐蠔餅婆：這裡賣的是炸得脆口的廣式炸蠔餅，粉漿及蠔仔份量恰到好處，真的啖啖都好吃。東主肥姐十年如一天的健談，雖然是立食也吃得舒服開心；
4. 好到底：談上小吃又怎少得好到底，先來一碗又甜又香的蝦籽蘿蔔，還有淨牛腩。這裡的柱候牛腩每天用上的都是新鮮貨，不吃是牛迷的損失；
5. 亞玉豆腐花：我唔係來吃豆腐花，而是砵仔糕。真的用砵仔去蒸的，鬆軟但也夠韌度，豆夠多味道也香。小小的一個賣四元，每次經過都吃；
6. 佳記甜品：咩話？食B仔涼粉？個個都話係遊客至食，佢服務又勁差食物又貴喎。係係係，講左N年啦，人地咪又係日日坐滿人？而且佢個翼尖同鹵水雞翼都好吃。涼粉？係吃很多年了。
#元朗 #小食 #掃街 #KC推介
鹵水豆腐用咩豆腐 在 百福豆品- 【#味蕾篇「百福®鹽滷硬豆腐」有「鹹味滷水」味 ... 的推薦與評價
您好，百福®鹽滷硬豆腐適合多種煮法，可以用作爆炒、燜燉、紅燒、滷煮等，最啱烹調多汁豆腐料理。謝謝！ 2 yrs. ... <看更多>