關於 hkfoodie_life_唐餅 ，我們在網路上蒐集到這些相關的討論、資訊與評價

📍ʜᴏɴɢ ᴋᴏɴɢ, ᴛᴀɪ ᴘᴏ 🇭🇰
<大埔墟火車站外嘅懷舊小食 祁哥小販檔>
今次介紹嘅就唔係啲咩地舖而係小販檔，所以小編都講唔到到底小販檔出沒嘅地址到底會係邊，不過通常都可以喺大埔墟港鐵站附近見到佢哋嘅蹤影。
小販檔檔主祁哥其實推住架木頭車喺大埔賣呢啲懷舊小食已經超過20年，砵仔糕、糯米糍、糖蔥餅、花生糖、馬仔…全部都一應俱全。
🍴白糖砵仔糕
評分：8.5/10
估唔到竟然可以喺呢度搵到已經買少見少嘅白糖砵仔糕，大部份鋪頭都會選擇做黃糖砵仔糕而唔做白糖砵仔糕。
砵仔糕攞到上手嘅時候仲係熱辣辣㗎😍白糖砵仔糕入口嘅口感煙韌軟糯，入口仲可以食到有淡淡的糯米味添，而且由於係白糖砵仔糕所以入口亦都唔會太甜。另外紅豆既份量都算比得幾多仲要都幾大粒下，而且紅豆嘅軟硬度適中。小編都好耐冇食過咁有水準嘅砵仔糕啦！
價格：HKD $6
🍴黃糖砵仔糕
評分：8/10
介紹完白糖砵仔糕就梗係要介紹黃糖砵仔糕啦，不過相比之下黃糖砵仔糕就稍為有啲失色。
黃糖砵仔糕嘅味道就會比較甜少少，所以個人就比較鍾意。另外砵仔糕嘅口感亦冇太大嘅分別一樣都係口感軟糯煙韌，不過反而糯米味就冇咁香。至於點解小編會話黃糖砵仔糕比較失色係因為今次小編呢一件黃糖砵仔糕嘅表面有少少濕咗😢個口感霉霉地咁樣，不過一樣都係好好食。
價格：HKD $6
🍴花生糯米糍
評分：7.5/10
呢度嘅糯米糍就一共有四隻口味，分別係椰絲、花生、芝麻同豆沙。今次小編就揀咗花生口味嘅糯米糍。
糯米糍個口感軟糯，帶有少少黏口。雖然個糯米皮有少少厚，但係亦都係係可接受範圍內。至於個花生餡料方面，分量亦都係俾咗非常多。個花生餡入口非常香口，而且裏面仲有啲花生粒喺度添，所以糯米糍整體入口嘅口感亦都非常豐富。
價格：HKD $20
——————————
店舖名稱：祁哥小販檔
環境：3.5/5
服務：4/5
地址：-
交通：港鐵大埔墟站A3出口，步行約2分鐘
——————————
#hkfoodie_life_大埔
想睇翻同類型既食評👇
#hkfoodie_life_唐餅
#hkfoodie_life_糯米糍
．
．
．
．
．
#putchaiko #hongkongstreetfood #streetfood #redbeanpudding #hkstreetfood #lomaichi #糯米糍 #砵仔糕 #唐餅 #懷舊 #懷舊小食 #缽仔糕 #糕點 #糕品 #小食 #小吃 #糯米糰 #団子

📍Hong Kong 🇭🇰
<特別顏色口味砵仔糕 三陽號食品>
唔知大家睇蘋果動嗰果籽，有冇見過呢個藍色嘅砵仔糕呢？小編睇完之後就真係超級有興趣，所以一放sem break就即刻飛咗去試。
呢度嘅砵仔糕有分兩種，一種係迷你砵仔糕，而另一種就係正常size既砵仔糕。但係如果係想試晒咁多種味嘅話小編建議可以比多少少錢買正常size既砵仔糕，因為迷你砵仔糕定價偏貴，相比之下買一個大嘅砵仔糕會比較抵。
🍴四色迷你砵仔糕
迷你砵仔糕細細舊可以一啖一個，不過砵仔糕既紅豆就比較少。
1️⃣蝶豆花砵仔糕
評分：6.5/10
尼到最出名既一定係尼個藍色既蝶豆花砵仔糕。雖然係人都知蝶豆花係冇味，純粹係得隻色，但唔知點解砵仔糕入口又真係好似覺得味道比較清甜。口感方面砵仔糕就屬於係比較爽口同帶有少許煙韌。個人就覺得非常一般，真係純粹講gimmick。
2️⃣金盞花砵仔糕
評分：6/10
金盞花口味嘅砵仔糕小編都係第一次聽，砵仔糕隻黃色都幾黃下，都好適合打卡。
不過小編今次買嘅呢個金盞花砵仔糕就唔夠新鮮，成件砵仔糕都嚴重出水。而且唔多食得到有金盞花既味道，只係食得出有好重既粘米。至於砵仔糕個口感方面就比較黏口，個人就覺得好一般。
3️⃣斑蘭葉砵仔糕
評分：7/10
斑蘭葉砵仔糕雖然都有少少出水，但口感就比金盞花砵仔糕好，雖然佢都有少少黏口，但個種黏口就係介乎於黏同爽既中間。另外砵仔糕入口都可以食到有輕微既斑蘭味，而且亦都唔會太甜，相對會比較好食。
4️⃣黃糖砵仔糕
評分：6.5/10
黃糖砵仔糕係傳統既口味，所以亦都係做得比好。黃糖味香但唔會好甜。砵仔糕既口感亦比較煙韌同爽口，算係不過不失啦！
價格：HKD $22
——————————
店舖名稱：三陽號食品
環境：3.5/5
服務：3.5/5
地址：中環永吉街11號永亨保險大廈A舖
交通：港鐵上環站E1出口，步行約4分鐘
——————————
#hkfoodie_life_上環
想睇翻同類型既食評👇
#hkfoodie_life_唐餅
．
．
．
．
．
#putchaiko #hongkongstreetfood #streetfood #hkstreetfood #三陽號 #三陽號食品 #砵仔糕 #唐餅 #懷舊 #懷舊小食 #缽仔糕 #糕點 #糕品 #蝶豆花砵仔糕 #蝶豆花

📍Hong Kong 🇭🇰
<特色口味砵仔糕 麥記糕品>
呢間鋪頭基本上小編每次入親元朗覓食都會經過，不過每次行到去都已經食到超級飽，冇quota去試佢地嘅砵仔糕😂所以今次入元朗就特登提醒自己唔好食得咁飽要去試佢哋嘅砵仔糕。
砵仔糕嘅味道足足有成六款，由最普通嘅黃糖白糖到一啲比較特別嘅口味都有，例如紫薯、薑汁、椰汁、抹茶。
如果係咁岩經過小編覺得都可以買黎試吓，但如果特登去試嘅話就不了。
🍴麥記糕品砵仔糕
評分：6.5/10
砵仔糕口感軟糯帶有輕微煙韌。大部份口味砵仔糕嘅紅豆嘅份量都比得幾多下，不過紅豆就煮得比較軟身，但紅豆味好香。
1️⃣薑汁砵仔糕
薑汁口味嘅砵仔糕小編都係第一次聽同第一次見，不過一試就愛上左呢一隻味。砵仔糕入口有好香嘅薑汁味，佢哋用嘅呢一隻薑汁帶有少少甜味，但味道亦都唔算太甜。不過相信如果可以喺砵仔糕裏面加返少少辣薑味應該會更加好食。但係紅豆嘅份量應該係小編今次試嘅三款裏面最少嘅一個。
2️⃣椰汁砵仔糕
砵仔糕本身嘅椰汁味就唔算好香，不過係砵仔糕表面加埋啲椰絲一齊食就超級正啦！因為一次過可以係個砵仔糕度食到三款唔同嘅口感，而且亦都可以增加返椰子嘅味道
3️⃣抹茶砵仔糕
砵仔糕入口食到有輕微抹茶味，不過就未至於食到有抹茶嘅苦澀味同回甘，但以呢個價錢來講合格有突。
價格：HKD $12 / 3pcs
——————————
店舖名稱：麥記糕品
環境：3.5/5
服務：4/5
地址：元朗又新街38號恆富大廈地下
交通：港鐵元朗站A出口，步行約9分鐘
——————————
#hkfoodie_life_元朗
想睇翻同類型既食評👇
#hkfoodie_life_唐餅
#hkfoodie_life_抹茶
．
．
．
．
．
#putchaiko #hongkongstreetfood #streetfood #hkstreetfood #matcha #matchaholic #麥記糕品 #砵仔糕 #唐餅 #懷舊 #懷舊小食 #缽仔糕 #抹茶 #抹茶控 #糕點 #糕品 #まっちゃ