📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<曾經紅極一時嘅日式糯米糍 MochiSweets>
呢間鋪頭嘅mochi小編都已經好耐冇食過😂只係近日咁啱經過朗豪坊突然間醒起呢間鋪頭，就決定買六粒mochi黎回味下🤭不過唔講唔覺原來小編最鍾意嘅口味大部份都已經退下火線，例如藍莓、檸檬蜂蜜🍋、櫻花🌸。
其實Mochi Sweets大約係2009年進駐香港🤔當時一粒mochi都只係賣緊$9🤫全盛時期最少都同時間有九間分店。不過時移世易依家全港都係得返兩間分店，實在有啲可惜😔所以今次小編難得經過見到都要把握機會買返盒回味下😳
-
🍴法式焦糖牛奶糯米糍
評分：8/10
呢一款Mochi係店舖比較後期先推出嘅產品之一☺️Mochi以Crème Brûlée🍮為藍本，所以就係牛奶慕思中間加入左法式焦糖醬，製成一件充滿法式風味嘅Mochi🤗
Mochi入口嘅味道真係有幾分似Crème Brûlée咁😯一開始入口可以食到有香甜嘅焦糖味，其後就會慢慢就會食到有一浸牛奶味😊完全冇違和感，將Crème Brûlée嘅味道放落Mochi原來都幾特別😚
價格：HKD $17
-
🍴法式焦糖抹茶紅豆糯米糍
評分：7.5/10
呢一件糯米糍可以稱得上係店舖本身嗰個抹茶紅豆糯米糍🍵既變奏版，因為其實只不過係喺裏面加入左啲焦糖醬。
Mochi入口個味道變化都算幾豐富🤔一開始入口只會食到有香甜嘅紅豆味，其後再食到有淡淡的抹茶香，最後先會食到有焦糖嘅香氣😝而且本身Mochi裏面亦都有少量紅豆粒，所以口感亦都會比較豐富😉
價格：HKD $17
-
🍴榴槤慕思糯米糍
評分：6.5/10
Mochi內既慕思加入左榴槤醬打成😎而且仲會喺慕思嘅中間加入少量榴槤醬，令成件Mochi都係比淡淡的榴槤香包圍着😊
Mochi裏面嘅榴槤醬味道比較甜🤫而且隻榴槤味都有少少假😅不過榴槤慕思嘅味道反而會比較自然，有淡淡榴槤香氣☺️雖然呢一件Mochi個味道唔算好特別，不過以呢個價錢來講絕對可以接受😁
價格：HKD $17
-
🍴柚子果粒糯米糍
評分：8.5/10
小編如果冇記錯的話呢一款糯米糍應該係喺2016年推出🧐而且當時仲係推出左三款口味添，不過最後剩係得番呢個柚子果粒糯米糍有得留低🤣
Mochi嘅味道都幾清新😋入口有淡淡的柚子味，而且甜度適中😝中間仲可以食到有一粒粒嘅柚子果粒添😍所以呢一款糯米糍都算係店舖歷代推出裏面口感最豐富嘅一款。
價格：HKD $16
-
🍴朱古力慕思糯米糍
評分：7.5/10
雖然呢一個款式開業以來一直都有，不過小編就更加鍾情於另一款黑朱古力糯米糍🤭
Mochi入口味道唔會太甜😉而且有香濃嘅朱古力味🍫，配埋個口感幼滑既慕思，真係幸福感爆燈架😍不過整體嘅味道其實唔算太突出，只係不過不失🙂個朱古力味唔係太濃郁😅
價格：HKD $16
-
🍴柳橙慕思糯米糍
評分：7.5/10
呢一個Mochi暫時好似係店舖嘅最新推出😆並唔係喺恆常系列裏面架！所以如果有興趣嘅話就記得快啲去試啦☺️
Mochi入口口感煙靭，配合埋個橙味🍊突出、口感幼滑既柳橙慕思😚味道出嚟好refreshing😝雖然Mochi嘅味道酸酸甜甜咁真係非常吸引，不過小編就略為覺得個香橙醬俾得有啲多😅整體個甜度有少少over😞
價格：HKD $16
——————————
店舖名稱：Mochi Sweets
環境：3.5/5
服務：4.5/5
地址：旺角亞皆老街8號朗豪坊B2層3號舖
交通：港鐵旺角站C3出口，步行約1分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_荃灣綫
#hkfoodie_life_觀塘綫
同類型食物嘅介紹👇
#hkfoodie_life_糯米糍
．
．
．
．
．
#mochi #desserthk #dessert #mochisweets #甜點 #甜品 #糯米糍 #麻糬 #糯米糰 #団子
