關於 泰式明爐元朗烏頭 ，我們在網路上蒐集到這些相關的討論、資訊與評價

#雷囡媽媽開心share #請你食好嘢
#泰式單骨雞翼 一碟

成個疫情都好少朋友出街食飯，難得今次大家夾到時間，拋夫棄女，當然要食餐好㗎啦！
今次同幾位靚女一齊去左黃珍珍食泰國菜😋點解揀呢間？ 我自己本身都好鐘意食泰國菜，泰國菜嘅香料味，椰香，同酸酸辣辣，全部都係我最愛。而九龍城嘅黃珍珍就係我由細食到大嘅泰國菜館。
一直以嚟。泰國菜都比較重口味，有時對我嚟講都會比較咸左dd, 但今次嚟到黃珍珍，覺得同以前好唔同，餸菜味道好似冇乜點變，但味蕾輕鬆左好多，食完唔會口渴。細問之下，原來因為疫情嘅關係，老闆同廚師多左時間鑽研改良，決定唔落味精，用新鮮食物配搭正宗泰國香料去煮。真係食得出來嘅誠意👍🏻

打開餐牌樣樣都鐘意，唔覺唔覺點到成枱都係。但當然啦，我地唔做大嘥鬼，心掛掛屋企人，叫多少少有返去同佢地分享，大家都開心啦🥰

今次樣樣都好好食，必點推介有：

前菜必食 柚子沙律同泰式生蝦！

🥗柚子沙律清新開胃。
🦐生蝦刺身🍸如仙境一樣嘅擺盤，呃like度滿分！📸👍🏻
🦐生蝦食得出非常新鮮，爽口！ 老闆話佢地堅持用爭爭跳嘅新鮮蝦，唔怪得隻隻咁彈牙啦！
食左咁多年先知，原來正宗嘅生蝦刺身係要夾埋蒜片、辣椒🌶️，仲有估佢唔到嘅苦瓜！
聽完抱住充滿懷疑嘅心態擺落口... 😲哦！唔錯woo,好特別嘅配搭，絕對要試！
頭盤選擇多到暈，樣樣都想食，唔小心點多左。

🐂燒澳洲和牛舌，皮脆肉嫩，一向唔食牛舌鴨舌嘅我，都俾佢嘅香氣吸引。忍唔住食左幾件。

🍢必食推介 #串燒鮮白鱔 ， 白鱔皮厚肉香，未上枱已經聞到香味，外皮夠厚夠煙韌。肉嫩鮮甜。超正！

仲有大大隻夠鮮味 #燒日本魷魚🦑
同脆卜卜嘅 #炸單骨雞翼 同樣好味😋

🥣泰國菜當然唔少得有 #冬蔭公湯 啦！
平時啲冬陰公湯，蝦多數都唔好食，感覺肉用嚟吊味用。 估唔到呢度嘅冬陰公嘅蝦先係主角。隻隻都大大隻又爽口彈牙，仲好多膏tim呀！ 真材實料夠新鮮！

主菜仲有 #泰式明爐元朗烏頭。烏頭夠新鮮，一啲都唔腥，啲肉仲好鮮甜。正！

🦀主角當然係 #招牌咖哩炒蟹啦！ 咖哩汁香濃，配埋勁鬆脆嘅 #法式麵包 ，超級好食，幾飽都忍唔到口食晒..
🥖原來呢度嘅法包大有來頭，原來係 #鳳香園 嘅法包，我自己搵左少少資料，原來#鳳香園麵包 因為拒絕❌用食物添加劑，仲獲得食安認證，
嘩！難怪咁好食！ 真係好想買俾屋企幾位麵包怪食呀😆😆

仲有呢度啲 #馬拉盞炒泰國通菜、#菠蘿炒飯、#泰式炒粉 都好好食，食到超飽🤣

幾飽都好，第二個胃都要照顧。甜品當然要有 #黑白芒果糯米飯 、#椰青糕 ！ 超好食，大滿足！
我仲唔客氣外賣左返去俾雷囡s食呀！
雷小囡都話 ：「超超超超超.超正！」 👍🏻

飲飽、食飽、傾到飽。超滿足嘅一個晚上，多謝美女安排。下次要再一齊食飯呀！ 😘😘

嗱嗱嗱，我除左識食之外，仲識幫大家爭取福利㗎， 請大家食脆卜卜單骨雞翼。
即日起到12月13日 ，去黃珍珍食飯，
訂枱時講埋我個優惠碼，就送一碟！
code : Luiluimama 記得喇！

黃珍珍泰國菜館
#黃珍珍泰國菜館 #泰國菜 #九龍城 #美食 #girlsssstory
#開飯喇 #食乜好 #九龍城食乜好 #九龍城美食
#food #foodie #hkfood

#久違了的飯聚 #文末有粉絲優惠

我成日都覺得，約朋友食飯，想約就要約，想去就要去！做咗阿媽講呢啲係幾衰，不過我哋早咗幾個禮拜約，爸爸又肯幫我湊住兩個，咁我就梗係要出嚟鬆一鬆啦😌太耐冇食泰菜，我哋就相約在九龍城黃珍珍泰國菜館，我都算係半個地膽，去過九龍城嘅朋友都一定聽過黃珍珍😍

一坐低我哋就埋頭苦幹咁睇餐牌，我哋4位少婦，一人揀幾樣，一唔小心我哋竟然叫咗 12 個餸，兩款甜品🤩食物到枱，大家都一定係相機食先啦📸唔係大家又點會睇到靚靚餸菜個樣😌下面我就講下我哋叫乜叫咗咁多🙈

🦐生蝦刺身：食泰菜必叫，而且用嚟打卡一流，睇相你就知點解，真係超夢幻 (其實係啲乾冰造出嚟嘅效果)。新鮮生蝦配正宗酸辣泰式醬汁，仲要配埋呢個傳統泰式食法👉🏼生蝦、涼瓜、辣椒、蒜頭一啖入口，層次豐富，真係睇得又食得之作。

🥗柚子沙律：超 fresh 又開胃嘅沙律，真係食完之後個胃可以裝多咗食物。

🥩燒澳洲和牛舌：牛舌絕對係嶠爸至愛，我就一般般啦！但黃珍珍呢個澳洲和牛舌，我就真係食唔停口，因為食落口超「冧」嘅，唔似平時嗰啲咁「un」😂

🍢串燒鮮白鱔：呢個真心不得了，一上枱，我已經被佢嘅香味吸引住！老老實實，連我呢個唔好魚嘅人，食完一串都想再嚟一串，因為真係燒得勁香，啲汁真係同舊鱔好夾😋

🦑燒日本魷魚：成條魷魚，再配埋個醬，又係食唔停口🙈

🍗炸單骨雞翼：聽店員講係新登場，佢哋係用無激素雞翼，配埋新鮮泰國香料醃製。食落口真係脆到卜卜聲🙂內層仲好 juicy，仲要係單骨食法，真係勁方便！

🥘冬蔭公湯：新鮮生猛嘅大頭蝦，煮出濃郁惹味嘅冬蔭功湯，酸酸辣辣勁開胃🤤

🐟泰式明爐元朗烏頭：呢個烏頭來頭不少，再經過黃珍珍嘅廚師團隊巧製泰式蒸烏頭，加入咗酸梅等泰式食材，突出魚嘅鮮味，另外仲加咗豬肉丸，夾埋魚湯一齊食，果然有驚喜。

🦀招牌咖哩炒蟹、法式麵包：法式麵包，沾咖哩食，勁正！或者就咁食啲咖哩炒蟹，一樣係食唔停口。

🥬馬拉盞炒泰國通菜：泰國通菜真係同一般通菜唔同，好爽口，再配埋馬拉盞炒，真係好香口。

🍍菠蘿炒飯：芊嶠至愛，入面有菠蘿粒，面有肉鬆，有腰果，放係個菠蘿入面上枱，真係又靚又香。

🥣泰式炒粉：估唔到個配搭咁夾，有酸酸嘅味，即便個肚已經好飽，但食完一啖都仲想繼續食🤪

🍮椰青糕 ：類似大菜糕，入面有一絲絲椰肉，所以有淡淡嘅椰香味。

🥭芒果糯米飯：黃珍珍嘅芒果糯米飯好特別㗎！因為係分別有黑糯米 & 白糯米，白糯米係出面少啲機會食到，但原來白糯米都幾好味😋

💓嶠媽好耐都未試過食得咁飽，最後食淨嗰啲我哋就決定分咗佢，每人拎啲返去比另一半😘未去過黃珍珍食泰菜嘅朋友，今次有福啦！

🌟嶠媽粉絲有禮🌟
多謝黃珍珍泰國菜館送比嶠媽嘅粉絲們，即日至12月13號，只要在訂枱時提供【kiumapatpat】呢個code，就可以得到「單骨雞翼 (細)」一碟🥰

++++++++++++++++++++++++++
黃珍珍泰國菜館
地址：九龍城打鼓嶺道23號百營中心地庫至1樓

#黃珍珍泰國菜館 #泰國菜 #九龍城 #美食 #girlsssstory

老字號信心保證👍🏻正宗泰國菜館

相信好多人聽過名字都說之前食過，那就是位於九龍城的「黃珍珍泰國菜館」。而我卻是第一次來，原來咁好味😍食到停唔到口😝

黃珍珍第二代傳人好熱情招待每一位客人，好細心咁推介客人最新鮮嘅菜式，熱情到好似識咗好耐嘅朋友咁🤣其實第一次見😆

朋友仔話想食泰國菜，我地就一pair pair一齊食飯，唔洗掉低另一半，又可以叫好多唔同款式試下😍

去黃珍珍泰國菜館必吃的就是「 #生蝦刺身 」，平時食生蝦通常配辣椒同蒜頭，但黃珍珍就採用左傳統泰式食法，將生蝦、涼瓜、辣椒、蒜頭一啖放入口，肉質緊實富彈性，味道爽甜鮮美。記得點埋正宗酸辣泰式醬汁，滋味無窮，非常醒胃。

「柚子沙律」黃珍珍嘅柚子沙律超大碟，好清甜爽口，唔會太酸又唔辣，味道調得啱啱好，非常開胃又美味。👍🏻

「燒澳洲和牛舌」你以為生蝦刺身係必點，其實我就覺得這碟燒澳洲和牛舌，先係唔可以錯過嘅菜式，從來未試過食牛舌食到好似食緊和牛咁，入口即化，相當難忘。

「串燒鮮白鱔」鱔皮烤得又脆又香，而肉質仍有點彈牙，保持到鱔的鮮甜。熱辣辣的鮮嫩魚肉在口中慢慢的漏油溶化，那滋味真的不能形容！

「燒日本魷魚」口感嫩口又入味，味道香濃帶甜，口感Q彈。

「炸單骨雞翼」採用無激素雞翼，仲用左新鮮泰國香料醃製，外脆內嫩，單骨做法好方便，小朋友都食到。

「冬蔭公湯」三隻大大隻新鮮生猛嘅大頭蝦，非常搶眼，爽口鮮甜，蝦膏特濃😍

「泰式明爐元朗烏頭」好多人都好怕食烏頭，因為好怕食到佢陣泥味😅而黃珍珍嘅烏頭係喺香港飼養的激罕烏頭，肉質幼嫩好多，黃油豐盛而且一啲泥味都冇，果然係好味。

「招牌咖哩炒蟹、法式麵包」個咖喱炒蟹汁不得了，配埋個法式麵包食超夾。法式麵包超脆口，本來已經飽到十成食唔落，但因為個法式麵包太好味，忍唔住就食咗成個😆😆😆

「馬拉盞炒泰國通菜」食泰國菜通常都會叫通菜，但原來黃珍珍嘅通菜真係來自泰國，爽口好多。

「 #菠蘿炒飯 」去到尾聲已經飽到暈，菠蘿炒飯就比屋企人分咗，我要留肚食甜品😝😝😝

「泰式炒粉」當我以為我已經飽到極點，但最後又俾呢碟泰式炒粉吸引咗🤣🤣試左一啖，咁好味嘅？🤣🤣酸酸甜甜好開胃，又忍唔住再食多幾啖，今日好似黑洞咁🤣🤣係咁食😆😆

「椰青糕」晶瑩通透既椰汁西米糕，大菜糕口感伴隨椰汁香味，仲要冰涼口感，飯口甜品最適合不過。

「 #芒果糯米飯 」幾飽都要食既芒果糯米飯，有黑白糯米配鮮甜芒果，越食越掛住泰國，越食越想去旅行。

忘了飲品，我地叫左芒果汁、奇異果汁、菠蘿汁同珍多冰，全部新鮮果汁👍🏻👍🏻👍🏻唔係糖水溝出嚟🥰

老闆話所有菜式都無落味精，所以食完唔會好口渴。🥰一路寫一路好想再食😍😍😍

老闆實在太好傾，仲好好俾我嘅 fans 優惠，只要用呢個 code 「LoveCath」去食黃珍珍，就會額外送一碟細單骨雞翼。🥰優惠期至2020年12月13日。

味道🌟🌟🌟🌟🌟
環境🌟🌟🌟🌟🌟
服務🌟🌟🌟🌟🌟
抵食🌟🌟🌟🌟🌟

黃珍珍泰國菜館
九龍城打鼓嶺道 23 號百營中心地下

@wongchunchunhk #wongchunchun #黃珍珍泰國菜館 #泰國菜 #咖哩蟹 #thaifood #吃貨日常

#girlsssstory #foodie #hkiger #foodphotography #foodporn #香港美食指南 #香港美食 #香港美食日記 #hkkol #吃貨女孩 #thaifoodstagram #吃貨人生 #美食日記 #foodblogger #foodlover #hkigfood #hkigdaily #discoverhongkong #hkfoodie #hkfood #hkfoodblogger @ 黃珍珍泰國菜館

1980年初與好友明叔分別在元朗錦綉花園有度假屋，每到周末便與女兒及明叔到那兒度過一個舒適的小假期。當年那兒星期一至五非常寧靜，到周末才多些人氣。明叔廚藝了得，簡簡單單的煮便能夠做出美味的菜式。他最喜歡吃白切雞、清蒸烏頭魚和八爪魚豬肉湯。當年的食材全部是有機的，雞有雞味、魚有魚味、豬肉湯肉味香濃。雖然我們只有幾個人，但明叔買的烏頭魚多是一斤半至一斤12両重，蒸出來有黃油浮面，只需加入豉油及撒上葱花，灒油便已很好吃。數年前明叔已返回天家，我平時亦少買烏頭來吃，今天想念故人便到北角和平優先店買條楊氏烏頭，用泰式來做，聊表心意。如果想做明爐蒸烏頭，要將蒸魚時間減少三分一，將半熟魚連香料和魚汁擺上爐上，
淋上汁料再繼續煮，但視乎情況，可能需要加少少雞湯。

材料（3人用)：
1. 楊氏烏頭 1條，約500克，請魚檔刮鱗
2. 粉紅岩鹽 1/8茶匙
3. 粗身香茅 2條，切段，拍扁
4. 檸檬葉 5片，切碎
5. 南薑 50克，去皮，切片
6. 中國芫荽 莖及根部（芫荽頭），2棵，拍扁，切碎
7. 青檸 4片
8. 中國芹菜 2條，切段，5公分長

魚汁材料：
1. 中國芫荽 2棵，只要根部（芫荽頭），切碎
2. 蒜頭 1 1/2粒，拍扁，切碎
3. 紅長椒 半隻，切片
4. 指天椒 3隻 ，切粒，如怕辣，可取去一半辣椒籽
5. 越南60度魚露 2茶匙
6. 青檸汁 2茶匙
7. 黃糖 1茶匙
8. 粉紅岩鹽 1/8茶匙
9. 天然清雞湯 3湯匙

做法：

1. 先做魚汁，用一隻細煲，落蒜頭、芫荽、辣椒、紅椒、黃糖、青檸，少少鹽，清雞湯，攪勻，浸20分鐘。
2. 準備蒸魚材料，香茅拍扁，切長度，約四公分長，檸檬葉切碎，約1公分×1公分。南薑刮皮，拍鬆，切片。
3. 請魚檔幫忙將烏頭魚鱗刮清，回來再刮一次鱗及魚肚，拿走魚肚入面的肥膏。沖淨魚肚和魚身，用毛巾吸乾魚身及肚腩裏面的水。
4. 搽少少鹽落魚身上面，將南薑、檸檬葉、芫荽、香茅、鹽、雞膏撈勻，放在烏頭上面，再將少少材料放入魚肚。
5. 用一隻鑊加水，煲滾水，放魚在蒸魚架上面，冚蓋，大火蒸9分鐘。將魚肚內香料刮走。
6. 將蒸魚的魚水加到魚汁裏面，中細火煮魚汁材料3分鐘至滾。熄火。
7. 拿出烏頭，放到另一隻碟上，將魚汁攪勻，淋在魚身，青檸片及唐芹放在烏頭上面作裝飾，趁熱上碟。