一諗起食泰菜，就自然就諗起去 #九龍城，而 黃珍珍泰國菜館 都算係九龍城泰菜既表表者，早幾年食過，味道夠晒地道，事隔幾年再食，菜式、味道都有d新鮮感，打卡有驚喜，感覺年青化左🎉
#生蝦刺身
上碟一刻超有仙氣，大家都忍唔住不停影相打卡😂選用新鮮生蝦配酸辣泰式醬汁，仲有涼瓜、辣椒🌶️、蒜頭伴吃，一齊食更能帶出生蝦既層次感和口感；蝦肉好結實彈牙又夠鮮味，必試。
#柚子沙律
次次食泰菜都會點，開胃又fresh, 用新鮮多汁金柑肉，加上紅蔥、蒜頭、炸蒜，鮮魷等混合，每一口都好豐富。
#燒澳洲和牛舌
老老實實我平時係唔食牛舌既，但依個試左一塊，又另眼相看喎，唔講完成估唔到係牛舌黎。好稔好嫩，唔會咬極都唔開，味道仲好似牛肉添，真係要試。
#串燒鮮白鱔
一串4件，就咁睇似肉類，都幾厚肉，掃上鰻魚汁，燒得金黃又有光潤。最難得係無骨，啖啖肉，仲好鮮甜嫩滑，唔鐘意食魚既朋友都話好好味。
#燒日本魷魚
原條魷魚燒香，賣相好吸引，食落仲唔韌，好有咬口，食得出魷魚既新鮮。
#炸單骨雞翼
採用泰國無激素雞翼，成本較高，配合新鮮泰國香料醃製及炸香。雞翼金黃色好吸引，外層香脆，內層保黎肉汁，單骨雞翼食得方便乾淨，係各人都喜愛既小食。
#冬蔭公湯
食泰國菜又點少得冬蔭功湯，用新鮮大頭蝦去煮，一上枱已經聞到濃郁同帶酸味嘅香氣，十分醒胃。飲落唔會過辣，酸酸地加上香料味道，地道又正宗。
#泰式明爐烏頭
用了出名既元朗楊氏烏頭，唔單止肉質肥美嫩滑一d都唔鞋口，最重要係無烏頭常有既泥味，真正有魚既鮮味。keep住加熱，每一口都熱辣辣好鮮甜，一d腥味都無，而且唔多細骨，可以好放心咁食。
#招牌咖哩炒蟹配法式麵包
個咖哩汁真係一流，濃稠適中，香而不辣，用來點法飽唔覺意就食左成個。好似大家重點都去左個汁度，其實隻蟹都好大隻好多肉，平時覺得喺街食蟹論盡，但今次唔理咁多，落手落腳拆蟹先過癮。
其他仲有我好鐘意既 #菠蘿炒飯 同 #泰式炒粉，酸酸甜甜咁，夠晒醒胃，本來已經好飽，忍唔住又食左碗；最後食埋兩款甜品：#芒果糯米飯 及 #椰汁西米糕，滿足到一個點，成班朋友傾足一晚都未夠皮，期待下次再見😝。今次再食，覺得黃珍珍變左，係變得新潮左😍，除左傳統菜式，仲加入左d新元素，難得味道同水準保持到，食物標榜無味精，食完唔會好口渴，健康又好味！
🎁由即日起至12月13日，訂枱去黃珍珍食飯用我既優惠碼：qbmama 就會免費送你單骨雞翼一客架啦！
#黃珍珍泰國菜館 #九龍城泰國菜 #正宗泰菜 #無添加味精 #泰國菜 #美食推介 #期待下次再食過 #靚太揾食團 #美食 #girlsssstory
